LeaksApplePro daha əvvəl iPhone 13 Pro Max modelinin ilk dəqiq şəkillərini paylaşmışdı. Bu dəfə eyni mənbə sentyabr ayında satışa çıxması gözlənilən iPhone 15 Pro ilə bağlı vacib təfərrüatlar verib. Bundan başqa iPhone 15 Plus satışlarını artırmaq üçün Apple şirkətinin nə etməyi planlaşdırdığını da izah edib. Elə isə LeaksApplePro, iPhone 15 seriyası ilə bağlı nə kimi yeniliklər verib, onlara nəzər salaq.
Belə ki, LeaksApplePro məlumatına görə, Apple şirkəti bu il iki 6,1 düym və iki 6,7 düymlük model təqdim edəcək. Şirkət, həmçinin iPhone 14 Plus satışlarının zəif olduğu bir mühitdə iPhone 15 Plus satışlarını artırmaq üçün şirkətin nə etməyi planlaşdırdığını isə belə izah edir: “Apple iPhone 15 Plus modelini digər üç model ilə birlikdə bazara çıxaracaq. Modellərin qiymət, ölçü və s. kimi xüsusiyyətləri eyni olacaq. Apple şirkətinin edəcəyi şey isə iPhone 15 Pro modelinin qiymətini qaldıraraq satışları artırmaqdır.”
iPhone 14 Plus modeli ilə bağlı ən böyük problem, bir çox müştərinin Plus əvəzinə iPhone 14 Pro almaq üçün 100 dollar daha çox ödəməyi məqsədəuyğun hesab etməsi idi. Bunun həlli isə iPhone 15 Pro modelinin qiymətini qaldırmaqdır. Beləliklə, özündə bir çox yeniliklər gətirən iPhone 15 Pro almaq istəyən alıcılar hələ də onu alacaq, Plus və Pro modelləri arasında qərarsız olan istifadəçilər isə böyük ehtimalla Plus modelini almağa üstünlük verəcəklər”.
Rəsmiliyi çox müzakirə olunmayan ekran problemlərinin timsalında iPhone 15 seriyası üçün digər diqqət çəkən yenilik isə ekran təminatçısı ilə bağlıdır. Verilən məlumata görə iPhone 15 və iPhone 15 Plus üçün ən böyük erkan təminatçısı Samsung şirkəti əvəzinə məşhur ekran paneli istehsalçısı BOE olacaq. 2024-cü ildən iPhone 15 seriyasının davamında isə seriya daxilində bütün modellərin 70%-lik bir hissəsindən BOE cavabdeh olması gözlənilir. Şirkətin nəyə görə belə bir addım atmağı planlaşdırdığı məlum deyil. Hal-hazırda ekran ponelləri Samsung və LG tərəfindən istehsal olunaraq iPhone 14 seriyasına quraşdırılır.
Yeni adla iPhone 15 Ultra kimi gözlənilən cihaz neçəyə olacaq?
LeaksApplePro keçən ilin sonunda iPhone 15 Ultra modelinin 1200 dollar və ya 1300 dollar olacağını bildirmişdi. Yəni, iPhone 15 Ultra modeli iPhone 14 Pro Max modelindən 100-200 dollar baha olacağı nəzərdə tutulut. Yeni seriyanın bu ilin sentyabr ayında çıxacağı gözlənilir. LeaksApplePro iPhone 15 seriyası ilə bağlı verdiyiyeniliklər haqqında nə düşünürsüz?
