İlk dəfə 9to5Mac tərəfindən aşkar edilmiş, yeni buraxılmış iOS 17 beta 7-dəki kod, hər iki iPhone 15 Pro modelində hər kəsin sevimli bildiriş düyməsini əvəz edəcək sürgülü sistemin ləğv ediləcəyini təsdiq edib.
Kod, xüsusi olaraq səssiz rejimi söndürmək və yandırmaq üçün təkmilləşdirilmiş haptik əks əlaqə nümunələrini ortaya qoyur. Lakin funksionallıqları daha da genişlənir. Əvvəlcədən qeyd etməliyik ki, smartfon “Action” düyməsi ilə əvəzlənir və bu da sensor səth olacağı üçün real fiziki hərəkət təklif etməyəcəyindən vibrasiya qarşılıqlı təsiri ilə istifadəçini məlumatlandırır.
iOS 17 beta kodları müxtəlif potensial funksiyalarla fərdiləşdirilə biləcəyini də ortaya qoyur. İstər əlçatanlıq, isti səssiz rejim, kamera, fənər, fokuslama, tərcümə və səsli qeydlər kimi geniş funksionallıqlar düyməyə əlavə edilə bilir. Müxtəlif funksiyaların dəqiq necə aktivləşdiriləcəyi hələ bilinmir.
Həmçinin, iPhone 15 Pro modellərində olacaq Action düyməsi sadə sürgülü bildiriş düyməsindən daha davamlı olmalı, daha az toz və suya davamlılığı artırmalıdır. Düzgün edilərsə, bu dəyişiklik alıcıların xeyrinə olacaq və müştəri rəyi müsbət olarsa, Apple-ın bunu bütün iPhone 16 modellərində təklif edəcəyi gözlənilir.
Bu sızıntıya əlavə olaraq, iPhone 15 Pro və Pro Max (Ultra) titan korpuslar, rekord nazik çərçivələr, super sürətli USB-C portları və növbəti nəsil 3nm A17 çipləri ilə təchiz olunacaq. iPhone 15 Pro Max/Ultra yalnız Apple-ın ilk 6x periskopik obyektivinə sahib olacaq.
iPhone 15 və iPhone 15 Plus isə müvafiq olaraq, dinamik ada, A16 çipi və 48 meqapiksellik əsas kamera ilə iPhone 14 Pro-dan ilhamlanmış təkmilləşdirmə alacaq. Lakin seriyadakı “Pro” modellərinə təsir edəcək kütləvi qiymət artımı ilə qarşılaşmayacaq. Bu da sadə modelləri daha alına bilən edəcək.
