Apple şirkətinin təqdim etdiyi smartfonlarda əksəriyyətimiz texniki problem görməyə alışmamışıq. Lakin hər bir məhsulda olduğu kimi, iPhone seriyası smartfonlarda da müəyyən problemlər ola bilər. Bəzən bu problemlər böyük texniki xətalara yol açsa da bəzən gülünc vəziyyətlərə səbəb olur. Belə ki, istifadəçilərin diqqətli olması hesabına iPhone 14 Pro modellərində qəribə bir istehsal xətası ortaya çıxıb. Verilən məlumata görə bənövşəyi rəngli iki eyni iPhone 14 Pro və ya iPhone 14 Pro Max modeli yanaşı gətirildikdə rənglərin fərqli olduğu aşkarlanıb.
Apple şirkəti iPhone 14 seriyasındakı bənövşəyi rənglə bağlı yaranan problemi qəbul edib
Belə ki, “Deep Purple” rəngli iPhone 14 seriyası modellərində eyni adlı rəngin iki fərqli çalarının satışda olduğu üzə çıxıb. Bəzi smartfonlar daha tünd bönövşəyi görünərkən, bəzi smartfonlar maviyə çalan rəngə malikdir. Apple şirkəti ilə əlaqəyə keçən istifadəçilər isə həqiqətən belə bir istehsal xətasının olduğu cavabını alıblar.
iPhone 14 seriyası üçün seriya istehsalından çıxan bəzi arxa qapaqların rəngi xəta səbəbi ilə standart “Deep Purple” rəngindən daha fərqli çalara sahibdir. Apple şirkətinin yaranmış halla bağlı xəbərdar olduğu, lakin bu problemə sahib cihazların azlıq təşkil etdiyi bildirilib. İstifadəçilərə yaranmış bu halı aşkar etdikdə smartfonları ilk 14 gün ərzində dəyişdirmə imkanı tanınıb. Buna baxmayaraq smartfonu alan və başqa bənövşəyi iPhone 14 seriyası modellə müqayisə etməyən şəxs fərq barədə xəbərdar olmayacağı üçün smartfonundakı qüsuru çətin aşkarlayar. Bəzilərinin fikrincə isə smartfonun fərqli rəngdə olması gələcəkdə dəyərinin artmasına yaxşı təsir göstərəcəyindən dəyişdirilməsi məntiqsizdir.
