Bildiyimiz kimi, Apple, Aşağı Güc rejiminə əlavə olaraq iOS 26 ilə iPhone-lara Adaptive Power adlı yeni funksiya əlavə etmişdi. İndi isə məlum olub ki, iPhone-ların batareyanın ömrünü artırmağa kömək edəcək Adaptive Power rejimi bütün modellərdə mövcud olmayacaq.
iOS 26 ilə birlikdə təklif olunan Adaptiv Powe adlanan yeni batareya rejimi lazım olduqda kiçik performans tənzimləmələri etməklə, ekran parlaqlığını bir qədər azaldaraq və ya bəzi əməliyyatların daha uzun sürməsinə imkan verməklə iPhone-un batareyanın ömrünü uzadan xüsusiyyətdir. Bəs gəlin görək Adaptive Power rejimi hansı iPhone-lara uyğun gəlir? Ümumiyyətlə, iOS 26 iPhone 11 və daha yeni modellərdə quraşdırıla bilsə də, təəssüf ki, Adaptiv Power Rejimi yalnız iPhone 15 Pro və sonrakı telefonlarda aktiv ola bilər. Çünki bu xüsusiyyət süni intellekt tərəfindən dəstəklənir. Beləliklə, iOS 26 ilə gələn yeni batareya rejimi yalnız aşağıdakı modellərdə istifadəyə yararlı olacaq:
iPhone 15 Pro
iPhone 15 Pro Max
iPhone 16e
iPhone 16
iPhone 16 Plus
iPhone 16 Pro
iPhone 16 Pro Max
Qeyd edək ki, Adaptiv Güc Rejimi defolt olaraq sönülü olsa da, bu rejimi parametrlərdən batareya hissəsində enerji rejimi menyusundan yandırmaq və ya aktiv hala gətirmək mümkündür.
