Bildiyimiz kimi, Intel şirkəti yeni prosessorlarını tamamilə fərqli adda və arxitekturada təqdim etməyə hazırlaşır. Belə ki, Intel Meteor Lake seriyası çipsetlərin ilk nümayəndəsi olacaq Core Ultra artıq texnologiya nəhəngi tərəfindən elan edilib. Onu da qeyd edək ki, şirkət yeni elan etdiyini prosessorlarını bu ilin sonunda yəni dekabr ayında bütün texniki detalları ilə birlikdə təqdim edəcək. İndi isə yeni prossessorlar barədə sadəcə arxitektura və digər texnologiya məlumatları bizlərə təqdim olunub.
Ümumiyyətlə deyə bilərik ki, Intel Core Ultra “Meteor Lake” seriyası ilə flaqman səviyyəli prosessorlarda irəliyə doğru böyük addım atır. Texnologiya nəhəngi Intel Innovation 2023-ün bir hissəsi olaraq yeni prosrssor seriyası barədə ictimaiyyətə məlumat verib. Tamamilə yeni arxitektura və istehsal texnologiyası ilə Intel şirkəti AMD ilə həmişəkindən daha çox rəqabət aparacaq. Hələlik yeni prosessorların texniki detalları paylaşılmasa da, onun 3D pefformans hibrid arxitekturası təqdim olunub. Beləliklə yeni nəsil prosessorlarda Foveros 3D qablaşdırma texnologiyası istifadə olunur.
Intel şirkəti bildirir ki, yeni dizayn metodologiyası enerji səmərəliliyində əhəmiyyətli faydalar verir. Lakin hələlik bunun isbatı ola biləcək detallar paylaşılmayıb. Onu da qeyd edək ki, yeni Core Ultra Meteor Lake prosessorunu texniki detalları arasında tamamilə yeni Redwood Cove yəni P-Core və yeni Crestmont yəni E-core da yer alır. O cümlədən H və P seriyalı prosessorlar 14-ə qədər nüvə ilə təchiz ediləcək və U seriyalı prosessorlarda bu göstərici 12 ilə məhdudlaşacaq.
