Bildiyimiz kimi, Intel şirkətinin ən sonuncu flaqman prosessoru məhz Core i9 seriyasıdır. Hazırda dünyanın ən güclü prosessoru hesab olunan Intel Core i9-14900K isə yeni bir dünya rekordu qırıb. Belə ki, Intel Core i9-14900K prosessoru rekord qıraraq 9.1 GHz sürətə aşırdıldı. Qeyd edək ki, 14-cü nəsil Intel prosessorları təqdim edildikdən sonra həvəskarlar öz overlock yəni sürət aşırtması nəticələrini paylaşmağa başladı. Bu həvəskarlardan ən çox diqqət çəkəni isə Elmor oldu.
Elmor internetdə minlərlə insanın diqqətini cəlb etdi. Çünki, o bir ilkə imza ataraq Intel Core i9-14900K prosessorunu 9.1 GHz sürətə aşırdı. Maraqlısı budur ki, o dünya rekordunu da qırdı. Elmor prosessoru 9100 MHz sürətə aşırdsa da, proqram sadəcə 9043,92 MHz-ə qədər qeyd etməyi bacarıb. Buna baxmayaraq Elmor dünya rekordunu qırmağı bacarıb. Sürət aşırtma prosesi zamanı prosessor 8 aktiv P nüvəsi ilə işləyib və Intel Hyper-Threading texnologiyası deaktiv edilib.
Ümumiyyətlə Intel hər dəfə öz prosessorlarını daha da təkmilləşdirir. Hətta texnologiya nəhəngi artıq yeni Meteor Lake seriyası ilə daha da təkmilləşmiş və stabil işləyən prosessorlar hazırlayır. Qeyd edək ki, istifadəçilərin bir çoxu Intel prosessorların məhz stabil çalışması və enerji sərfiyyatına qənaet etməsinə görə seçir. Təbii ki, sürət aşırtması praktiki olaraq faydalı deyil. Çünki, burada enerji istehlaki, stabillik və öz növbəsində temperatur artır. Bu isə prosessorun qısa zamanda sıradan çıxmasına səbəb ola bilir.
