CES 2023 sərgisi maraqla davam edir. Əlimizdən gəldiyi qədər CES 2023 sərgisindəki yeniliklərdən sizi xəbərdar edirik. Maraqla qarşılanan məhsullarından biri də tamamilə naqilsiz televizor olan 55 düymlük 4K OLED ekranlı Displace TV konsepti idi. Dünyanın ilk simsiz televizor olduğunu iddia edən 55 düymlük Displace TV daxili bir batareyaya malikdir. Gündə 6 saat istifadə ilə 30 günə yaxın şarj müddəti təklif edir. Təbii ki, bu rəqəm heç cür inandırıcı gəlmir. Çəkisinin təqribi 9 kq olduğu deyilir. Günümüzün televizorları ilə hesabladıqda gündə 6 saat olmaqla 1 ay işləməsi üçün minimum enerji istehlakında təqribi 15 kVts batareya lazımdır.
Displace televizoru haqqında hələ ki, çox təfərrüat təqdim etməyib. Yalnız onun AMD prosessoruna, Nvidia qrafik çipinə və Wi-Fi 6E bağlantısına sahib olduğu deyilir. Televizorun özü video zənglər və idarə üçün istifadə edilə biləcək üstdən açıkan 4K kameraya malikdir. Displace televizoru üçün bu kamera həm də simanın tanınması kimi texnologiyaları dəstəkləyir.
Yeni Displace TV pultları əvəz etmək üçün əl jestlərindən istifadə edir. Bunu da üstdən çıxan kamera hesabına bacarır. Ekrandakı məzmunu oynatmaq üçün ovucunuz önə doğru hərəkət etdirməyiniz kifayətdir. Əl hərəkətləriniz ilə məzmunu böyüdə və kiçildə, hətta əl hərəkətləriniz ilə məzmunu bir 2 fərqli Displace TV arasında ötürə bilərsiniz. Qeyd edək ki, televizor arxa tərəfdə xüsusi vakuum texnologiyası ilə gücləndirilib. Ona görə də istənilən düz divara, pəncərəyə və.s yapışdırıla bilər.
Sərgidə şirkət rəsmiləri televizoru qucaqlayaraq müxtəlif nöqtələrə apararaq yerləşdirib nümayiş etdiriblər. Bu gündən etibarən isə televizor üçün ilkin sifarişlərin qəbuluna başlanılacaq. Displace TV ön sfiarişləri sığortalamaq üçün 300$ komissiya haqqı tələb edir. Televizorlar üçün isə maraqlı bir qiymət təklifi edilir. Bir ədədi 3000$ olsa da, dörd ədədi 9000$ təşkil edir. Yəni üç dənə alana biri hədiyyə edilir.
