Texnologiya sahəsi durmadan inkişaf edir və təkmilləşir. Belə ki, indi ikiqat sürətli yeni SD Express 9.1 adlı SD kart yaddaş qurğusu təqdim edilib. Ümumiyyətlə yaddaş kartlarında hər gün daha yüksək sürət və daha yüksək həcm tələb olunur. İstifadəçilər yaddaş kartlarından uzunmüddət istifadə edə bilmək üçün onun geniş həcmə sahib olmalısını tələb edir. Lakin yaddaş kartları yüksək həcmlə yanaşı, bütün məlumatların işlənməsi üçün yüksək sürətə də sahib olmalıdır. Məhz yeni SD kart da bu iki xüsusiyyəti özündə birləşdirir.
Hazırda yaddaş kartları portativ cihazlarda çox istifadə olunur. Misal olaraq desək, bu cihazlara kameralar, smartfonlar, mikrofonlar və digər cihazlar aiddir. Həmçinin SD kart tərəfində bazarda SanDisk, Panasonic və Toshiba kimi brendlər rəqabət aparır. İndi isə bu şirkətlər tərəfindən qurulan SD Assosiasiyası yeni standartlara malik SD Express 9.1 cihazını təqdim edib. Artıq SD kartlar iki dəfədən çxo sürətli ola biləcək və yüksək həcmə sahib olacaq. Qeyd edək ki, yaddaş qurğusunun sürəti 2.0 GB/san-ə çata biləcək.
Onu da qeyd edək ki, yeni SD kart yaddaş qurğusunun bu qədər sürətli ola bilməsinin əsas səbəbi məhz PCIe 4.0 və NVMe arxitekturalarıdır. Həmçinin yeni SD kart hər bir cihazın hansı sürət sinifini tələb etdiyini və hər bir SD Express kartının nəyi dəstəklədiyini göstərən yeni etiketləmə sistemi ilə bizlərə təklif olunur. Beləliklə, kartın ehtiyaclarınıza cavab verib-verməyəcəyini və digər xüsusiyyətləri barədə məlumatları qutuda və istifadəçi təlimatında olan işarələrdən öyrənə bilərsiniz. Yaxın gələcəkdə isə SD Assosiasiyası cari sürəti 4 GB/s-ə qədər artırmağı planlaşdırır.
