Çinli texnologiya nəhəngi Huawei çoxdandır gözlənilən flaqman Pura 70 seriyasını təqdim edib. Qeyd edək ki, yeni seriyanın giriş modelləri olan modelləri olan Huawei Pura 70 və Pura 70 Pro qiymətləri və xüsusiyyətləri ilə diqqət çəkir. Bundan əlavə, yeni modellər arasında Pura 70, Pura 70 Pro, Pura 70 Pro+ və Pura Ultra mövcuddur. Xatırladaq ki, Huawei bu yaxınlarda P seriyasını Pura olaraq dəyişdirdi. Bu çərçivədə Huawei Pura 70 seriyası bu gündən etibarən rəsmi olaraq təqdim edildi. Artıq bu gündən Çində satışa çıxarılan Pura 70 və Pura 70 Pro modellərindən fərqli olaraq Pura 70+ və Pura 70 Ultra modelləri aprelin 22-dən etibarən satışa çıxarılacaq.
Huawei Pura 70 və Pura 70 Pro modelləri hansı xüsusiyyətlərə sahibdir?
Gəlin ilk öncə yeni Huawei Pura 70 seriyasının giriş modellərindən bəhs edək. Ümumiyyətlə, Huawei yeni seriyasında tamamilə fərqli dizayn olan Vane Design-a keçir. Keçmişdə gördüyümüz P seriyalı modellərdən fərqli olaraq şirkət yeni seriyalarında estetikanı da ön plana çıxarır. Bu kontekstdə dizayn tərəfində ən diqqət çəkən məqam cihazlar üzərindəki üçbucaq şəkilli kamera adasıdır. Əsas model düz dizayna malik olsa da, Pro modelində kənarlarda arxaya doğru uzanan əyri var.
Huawei Pura 70 modeli 6.6 düymlük, LTPO OLED FHD+ təsvir ölçülü ekran panelinə sahibdir. Belə ki, ekran paneli 120 Hz yenilənmə tezliyinə və 2500 nit ekran parlaqlığına malikdir. Kirin 9010 çipsetindən güc alan cihaz Huawei brendinin özünəməxsus HarmonyOS 4.2 əməliyyat sistemi ilə də təchiz edilib. Kamera tərəfində isə Huawei Pura 70 modelinə 50MP OIS dəstəkli əsas kamera, 13 MP ultra geniş bucaqlı kamera və 12MP periskop telefoto kamerası quraşdırılıb.
Onu da qeyd edək ki, Pura 70 Pro versiyası 2844 x 1260 təsvir ölçülü 6,8 düymlük OLED panelə malikdir. Bu panel 1-120Hz dəyişən yeniləmə sürətinə, 1440 Hz yüksək tezlikli PWM qaralmasına və 2500 nit pik parlaqlığa çata bilir. Ekranın qorunması üçün telefon ikinci nəsil Kunlun şüşəsindən istifadə edir ki, bu da düşmə müqavimətini 100% artırır. Digər model kimi Kirin 9010 çipsetindən güc alan cihaz, 50MP OIS dəstəkli əsas kamera, 13MP ultra geniş bucaqlı kamera və 48MP Super Spotlight makro kamera ilə təchiz edilib. Həmçinin smartfonlar XD Motion mühərriki ilə sürətli hərəkət edən obyektləri daha aydın şəkildə çəkə bilər.
Batareya tərəfində isə Huawei Pura 70 Pro modelində 100W simli, 80W simsiz və 20W tərs simsiz enerji doldurma dəstəyi var. Cihazın batareyasının həcmi isə 5050 mAs-dır. Bununla belə, standart Huawei Pura 70 modeli 4900 mAh batareyaya malikdir. Bu model 66W simli, 50W simsiz və 7.5W tərs simsiz şarjı dəstəkləyir. Qeyd edək ki, bütün smartfonlarda BeiDou peyk mesajlaşma dəstəyi var. Həmçinin smartfonlara süni intellektlə uzaqdan idarəetmə, ağıllı ödəniş və süni intellektlə foto redaktə alətləri kimi ağıllı proqramları gətirən Pangu dili modeli də əlavə edilib. Qiymət tərəfində isə Huawei Pura 70 12-256GB, 12-512GB və 12-1TB yaddaş seçimləri ilə müvafiq olaraq 760$, 830$, 967$ qiymət etiketinə sahibdir. Pura 70 Pro isə eyni yaddaş seçimləri ilə 898$, 967$, 1105$ qiymətə təklif olunur.
Huawei Pura 70 Pro+
Huawei Pura 70 Pro+ və Pura 70 Ultra hansı xüsusiyyətlərə sahibdir?
Beləliklə, Pura 70 Pro+ və Pura 70 Ultra 1Hz-120Hz yeniləmə tezliyi, 1440Hz PWM qaralma, 300Hz toxunma nümunəsi, displeydə barmaq izi skaneri və ikinci nəsil Kunlun şüşəsi təklif edən 6,8 düymlük OLED LTPO paneli ilə təklif olunur. Pro+ versiyasında 5050 mAh batareya həcmi olduğu halda, Ultra versiyada 5200 mAh batareya həcmi var. Qeyd edək ki, hər iki smartfon 100W simli və 80W simsiz şarjı dəstəkləyir. Eyni şəkildə, hər iki smartfonda 20W tərs simsiz şarj var.
Bundan əlavə, Pura 70 Pro+ modeli 50MP OIS Optik Sabitləşdirmə dəstəkli Super Spotlight əsas kameraya, f2.2 12.5MP geniş bucaqlı kamera və 48MP makro telefoto kamerasına sahibdir. Pura 70 Ultra modeli f1.6~f4.0, 1 düymlük 50MP Super Spotlight Teleskopik kamera, 40MP Geniş Bucaq kamerası və 50MP makro telefoto kamerası ilə seriyanın ən güclü kamera komplektinə sahib olub deyə bilərik.
Həmçinin, Huawei Pura 70 Pro+ və Pura 70 Ultra Harmony OS 4.2 əməliyyat sistemində işləyir. Bütün seriyada həmçinin süni intellektlə uzaqdan idarəetmə, ağıllı ödəniş və süni intellektlə foto redaktə alətləri kimi ağıllı proqramları gətirən Pangu dili modeli də var. Huawei Pura 70 Ultra artıq Çində satışdadır. Pura 70+ modeli aprelin 22-də satışa çıxarılacaq. Qiymətlər isə aşağıdakı kimidir:
- Huawei Pura 70 Ultra: 1380 dollar (16GB+512GB)
- Huawei Pura 70 Ultra: 1520 dollar (16GB+1TB)
- Huawei Pura 70 Pro+: 1105 dollar (16GB+512GB)
- Huawei Pura 70 Pro+: 1245 dollar (16GB+1TB)
