Bir zamanların möhtəşəm texnologiyası hesab olunan HDD sabit diskləri, günümüzdə demək olar ki, xeyli az istifadə olunur. Hətta Pure Storage şirkətinin meneceri və məşhur analtik Sean Rosemary iddia edir ki, 5 il ərzində artıq HDD texnologiyası tamamilə yox olacaq. Maraqlısı budur ki, bir çox insan buna səbəb kimi HDD disklərinin zəif sürəti kimi göstərsə də, onun bazardan tamamilə çıxma səbəbi sürəti ilə əlaqədar olmayacaq. Hal-hazırda HDD disklərinin bazardakı ən böyük rəqibi ondan dəfələrlə sürətli fəaliyyət göstərən M2 SSD və ya Sata SSD texnologiyalarıdır. Lakin aradakı fərq çox olsa da SSD-lərin qiymətləri hələ də HDD disklərindən dəfələrlə çoxdur. Məhz bu səbəbdən də hələ də HDD istifadə olunur.
Lakin yaxın 5 il ərzində flash kartları da HDD diskləri qədər tutuma malik olacaq. Həmçinin bu flash kartlar daha ucuz qiymətə, daha səmərəli fəaliyyət göstərəcək. Bundan əlavə isə HDD diskləri üçün enerji xərclərinin artması səbəbi ilə sabit disklər yaxın 5 il ərzində tamamilə yox olacaq. Qeyd edək ki, hal-hazırda məlumat mərkəzləri qlobal enerji istehlakının təxminən 3%-ni təşkil edir. Bu göstəricinin təxminən üçdə biri sabit disklər tərəfindən mənimsənilir. Lakin Rosemary bildirir ki, gələcəkdə SSD-lərə tamamilə keçid olunması enerji istehlakını 80-90% azalda bilər.
Ümumiyyətlə HDD diskləri barədə bir çox insayderlər narahtdır. İstifadəçilər bu disklərin daha ucuz və səmərəli olduğu üçün istifadə etsə də, bu disklər gələcəkdə böyük təhlükələrə yol aça bilər. Ümumiyyətlə müasir dövrdə belə bir çox istehsalçı öz modellərində HDD disklərindən istifadə edir. Əsas səbəb isə daha ucuz olmasıdır. Lakin onlar bu diskləri nə qədər etibarlı olduğunu, nə qədər enerji istehlak etdiyini düşünmürlər. Analtiklər bildirir ki, yaxın 5 il ərzində sabit disklər ilə bağlı qərar belə verilə bilər.
