Bildiyimiz kimi, Google bu yaxınlarda yeni Pixel 10 seriyasını təqdim etmişdi. Həmçinin Google yeni Pixel 10 seriyasını daha çox telefonların peykl rabitə vasitəsi imkanları ilə ön plana çıxarmağa çalışırdı. Ümumiyyətlə, bu rabitə imkanı Apple şirkətinin bir çox cihazında mövcud olsa da, sadəcə fövqəladə hallar üçün məhdudlaşdırılırdı. Maraqlısı budur ki, Google, Pixel 10 seriyasında peyk rabitəsi ilə WhatsApp zənglərini də dəstəkləyəcək və funksiyanı sadəcə fövqəladə hallar üçün məhdudlaşdırmayacaq.
Qeyd edək ki, Pixel 10 seriyasının peyk vasitəsilə WhatsApp səsli və video zənglərini dəstəkləyən ilk telefonlar olacağını açıqladı. Bu, hətta şəbəkənin əhatə olunmadığı ərazilərdə belə WhatsApp-da söhbət etməyə imkan verəcək. X platforması üçün elan edilən xüsusiyyət avqustun 28-dən etibarən istifadəyə veriləcək.
Bununla belə, bu funksiyadan istifadə etmək üçün dəstəkləyici operator tələb olunur və əlavə ödəniş tələb oluna bilər. Hazırda hansı daşıyıcıların xidməti dəstəkləyəcəyi məlum deyil. Buraxılış tarixi yaxınlaşdıqca daha çox təfərrüatlar ortaya çıxacaq.
