Samsungun növbəti qatlana bilən smartfonları Galaxy Z Fold 6 və Flip 6 modelləri artıq hazırdır və yaxın aylarda təqdim olacaq. Belə ki, yeni qatlana bilən Samsung smartfonlarının təqdimat tarixi artıq məlumdur. Beləliklə, növbəti Unpacked tədbiri iyulun 10-da Fransanın Paris şəhərində keçiriləcək.
![Z Fold Flip 6](https://tedroid.com/media/2024/05/galaxy-z-fold-flip-6-teqdimat.webp)
Qatlana bilən smartfon bazarının lideri olan Samsung, çox yaxında Galaxy Z seriyasını yeniləməyə hazırlaşır. Ötən saatlarda Galaxy Z Fold 6 və Flip 6 modeli üçün dəqiq tarix məlum olub. Daha əvvəl Samsung brendinin yeni qatlanan smartfonlarını və eləcə də Galaxy Watch 7 seriyasını təqdim edəcəyi Unpacked tədbirinin iyul ayında baş tutacağı sızdırılmışdı. Cənubi Koreya mediasında dərc olunan son xəbərlər tədbirin tarixini dəqiqləşdirib.
Samsung brendinin növbəti Unpacked tədbiri iyul ayının 10-da Fransanın Paris şəhərində baş tutacaq. Qeyd edək ki, Galaxy Z seriyasının yeni üzvlərinin xüsusiyyətləri hələ də öz təsdiqini tapmayıb. Bununla belə, Z Fold 6 modelinin Snapdragon 8 Gen 3 çipseti və 50 MP f/1.8 1/1.56 ISOCELL GN3 əsas, 10 MP f2.4 1/3.94 OIS 3x zoom telefoto və 12 MP f/2.2 1/ ultra geniş kamera sensorları ilə təchiz edilməsi gözlənilir. 8 GB və 12 GB RAM variantlarına sahib olacağı gözlənilən cihazın daha böyük 3,9 düymlük qapaq ekranı və 4000 mAh batareyası olacaq.