Samsung Galaxy S25 Ultra-nın dünyanın ən nazik ekran çərçivələrinə sahib smartfon olacağı iddia edilib. Belə ki, Samsungun yeni flaqman telefonları olacaq Galaxy S25 seriyasını təqdim etməsinə çox az vaxt qalıb. Əgər iddialar doğru olarsa Plus və Ultra modellərindən ibarət olacaq seriya yanvarın 22-də təqdim ediləcək.
İndiyə qədər smartfonlar ilə bağlı çoxlu sızıntılar görmüşük. Bunlara hər gün yenisi əlavə olunurdu. İndi isə Ultra modelini gözləyənlərin həyəcanını artıracaq məlumatlar paylaşılıb. Samsung haqqında etibarlı sızıntıları ilə tanıdığımız Ice Universe, S25 Ultra modelinin dünyanın ən nazik ekran çərçivəsinə sahib smartfon olacağını iddia edib. Əslində daha əvvəl də bu smartfonun ekran çərçivəsinin çox incə olacağı barədə iddialar gündəmə gəlmişdi. Lakin bu gün irəli sürülən iddia yeni flaqman smartfonun bütün telefonlardan daha nazik olacağını ortaya çıxarıb.
Başqa sözlə, Galaxy S25 Ultra dünyanın ən nazik ekran çərçivələrinə malik telefon kimi debüt edə bilər. Bu o deməkdir ki, çərçivə baxımından lider telefonlar arasında olan Xiaomi 15 və iPhone 16 Pro Max-dan daha nazik olacaq. Yaradılan konsept görüntüsündən S25 Ultra-nın çərçivələri haqqında təsəvvür əldə edə bilərik. Onlar əslində “yox” adlandırılacaq qədər nazikdirlər. Çərçivələrin çox incə olacağı deyilsə də, dəqiq ölçü paylaşılmayıb. Bununla belə, iPhone 16 Pro-nun çərçivə qalınlığı 1,15 mm idi. Yeni flaqmanın daha incə ola biləcəyini düşünə bilərik.
