Samsung Galaxy S23 Ultra modelinin ən sevilən xüsusiyyətlərindən biri məhz, 10 qat optik yaxınlaşdırmanın edilə bilən olmasıdır. Lakin sızdırılan məlumatlara görə Galaxy S24 Ultra seriyası ilə bu kameradan Samsung mühəndisləri imtina etməyi düşünür. Belə ki, texnologiya nəhəngi Samsung hazırda yeni nəsil premium cihazı Galaxy S24 Ultra modelini kamera konfiqurasiyası üzərində işləyir. Bu yaxınlarda Twitter-də edilən bir paylaşım cihazın kamera xüsusiyyətlərini ortaya qoyub.
Revegnus adlı məşhur insayderin verdiyi məlumata görə Samsung Galaxy S24 Ultra yenilənmiş kamera xüsusiyyətlərinə sahib olacaq. İlk növbədə 1/1,3 düymlük sensor ölçülü ve 0,6μm piksellik 200 MP əsas kamera cihaza quraşdırılacaq. Ultra-geniş bucaqlı kamera tərəfində isə bizləri 1/2,55 düymlük 12MP IMX562 sensoru ilə cihaz təchiz ediləcək. Telefoto kamerası IMX754 10MP olub 1/3,52 düym ilə 3 qat yaxınlaşdırma edərkən, periskopik telefoto kamerası isə 1/2,25 düymlük 50MP yeni nəsil 5 qat optik yaxınlaşdırmalı kamera modulu ilə təchiz ediləcək.
Beləliklə, bu il Samsung da Galaxy S24 Ultra modelində 10 qat optik yaxınlaşdırma edə bilən kamera ənənəsi ilə vidalaşa bilər. Buna səbəb isə, 10 qat optik yaxınlaşdırmanın, əslində istənilən qədər yararlı və yüksək keyfiyyətli olmamasıdır. Aydın məsələdir ki, 10 qat optik yaxınlaşdırma üçün işlədilən kiçik düym ölçüsünə malik sensor işığı udmaqda zəifdir. Nəticədə daha uzaq məsafədə görüntünü kəskin göstərməkdə sahib olduğu uzun fokus məsafəli obyektivlə yaxşı olarkən, görüntü keyfiyyəti baxımından heç də zəngin olmayan nəticələr çıxarır. Digər bir tərəfdən video çəkilişlər zamanı kameralar arasında keçid keyfiyyət fərqinə görə istənilən səviyyədə alınmır.
İddialar doğrudursa, Samsung da bu il Apple strategiyasına keçid edib ideal yaxınlaşdırma dərəcəsinə malik daha təkmili və daha böyük 48MP kamera sensoru ilə 5 qat optik yaxınlaşdırma ilə təmin olunan potensial məsafələrə yaxınlaşdırmanın keyfiyyətini artıracaq.
Təbii ki, 48MP kamera sensoru piksel birləşdirmə metodu ilə 12MP təsvir ölçülü hibrid olaraq 6-10 qat yaxınlaşdırmanı təmin edə biləcəkdir. Nəticə etibarilə şirkət, əslində bu qərarla düzgün addım atır. İnsayderlərə görə Galaxy S25 Ultra ilə növbəti hədəf 4 və 6 qat optik yaxınlaşdırmanı mümkün etmək olacaq.
