Bu yaxınlarda flaqman Galaxy S23 ailəsini istifadəçilərə təqdim edən Samsung, seriyaya “Fan Edition” modelini də əlavə etməyə hazırlaşır. Məlum olduğu kimi, son sızmalar bizə premium xüsusiyyətlərə malik S23 FE-nin yolda olduğunu göstərir. İndi həvəskarlar tərəfindən çox gözlənilən hər büdcəyə uyğun telefonunun mümkün buraxılış tarixi paylaşıldı.
Məlumata görə, Samsung bu ilin avqustunda keçiriləcək Unpacked tədbirində Galaxy Z Fold 5 və Galaxy Z Flip 5 üçün Galaxy S23 FE modelini təqdim etməyi planlaşdırır. Məhz bu tədbir çərçivəsində yeni model kimi Galaxy S23 FE avqust ayunda satışa buraxıla bilər. Qeyd edək ki, sızıntılar doğrudursa Galaxy S23 ailəsinin yeni büdcə modeli Snapdragon 8+ Gen 1 daxil olmaqla premium xüsusiyyətlər ilə gələcək. Smartfon texiniki baxımdan digər xüsusiyyətləri ilə Galaxy S21 FE modelinin davamçısı olub, dizayn baxımında Galaxy S23 modelinin dizayn konseptini mənimsəməlidir. Eyni zamanda əsas kamerada sensor dəyişikliyi də gözləniləndir. Cihaz xüsusilə yay aylarında çıxarılacağından Galaxy A54 modelindən sonra çıxmayan Galaxy A74 modelinin yerini əvəz edəcək potensialda olmalıdır. Ona görə qiymət baxımından daha gec çıxması müsbət arqument kimi qiymətləndirilə bilər.
Həmçinin bu, Samsung şirkətinin bu il pərəstişkarları üçün yay tədbirinə hazırladığı yeganə məhsulu deyil. Sızdırılan məlumatlar, Galaxy Tab S8 FE və çoxdan gözlənilən Galaxy Tab S9 seriyalarının da avqust tədbirində görünə biləcəyini göstərir. Samsung şirkətinin eyni tədbirdə iki əsas planşet versiyasını təqdim etməsi qeyri-adi olsa da, biz şirkətin daha əvvəl də gözlənilməz məhsullar təqdim etdiyini görmüşük.
Əslində, bir əvvəlki xəbərlərdə Galaxy Tab S8 FE-nin avqust və ya sentyabr aylarında buraxıla biləcəyi deyilmişdi. Əgər söz-söhbətlər doğrudursa, Galaxy Tab S8 FE 2021-ci ilin mayında buraxılmış Tab S7 Fe-nin varisi ola bilər. Xatırladaq ki, Samsung sonuncu dəfə 2022-ci ilin əvvəlində də Galaxy S21 FE adı altında FE xəttini yeniləmişdi.
