Samsung brendinin bir müddət əvvəl təqdim etdiyi Galaxy Ring ağıllı üzükləri heç də sadəcə Samsung cihazları üçün eksklüziv deyilmiş. Qeyd edək ki, Samsung Galaxy Ring-i təqdim edərkən uyğunluqdan bəhs etmədiyi üçün üzüyün yalnız Samsung cihazları ilə istifadə oluna biləcəyi düşünülürdü. Lakin son araşdırmalar göstərir ki, üzük sadəcə Samsung cihazları ilə deyil, digər smartfonlarla da işləyə bilir.
Ümumiyyətlə, Galaxy Ring modelinin təqdimatı zamanı Samsung, üzüyün yalnız öz telefonları ilə işlədiyinə dair inandıran bir çıxış etmişdi. Ağıllı üzüyün məhsul səhifəsinə baxdıqda isə, Galaxy Ring cihazının yalnız Samsung smartfonları ilə işlədiyini düşünmək olar. Lakin, üzüyü yoxlamaq imkanı olanlar onun Samsung-dan fərqli bir brendə məxsus cihazda da işlədiyinə şahid olublar. YouTuber M. Brandon Lee, Galaxy Ring-in Nothing telefonu ilə işlədiyini bizlərə nümayiş etdirib. Qeyd edək ki, Üzüyü başqa Android telefonunda istifadə etmək üçün Google Play Store-dan Galaxy Wearable proqramını quraşdırmaq lazımdır.
Quraşdırma prosesi zamanı Samsung Health və SmartThings proqramlarının da quraşdırılması tələb olunur. Galaxy Ring-in bütün xüsusiyyətlərindən istifadə etmək üçün o, Galaxy AI-ni dəstəkləyən Samsung telefonu ilə birləşdirmək lazım gəlir. Enerji hesabı və Galaxy AI sağlamlıq tövsiyələri kimi xüsusiyyətlər sizin üçün vacib deyilsə və smartfonunuz Samsung deyilsə, rahatlıq Galaxy Ring istifadə edə bilərsiniz. Xatırladaq ki, Galaxy Ring titandan hazırlanmış yüngül ağıllı üzükdür. Onun içərisində ürək ritmini, yuxunu, temperaturu və məşqləri izləyə bilən bir sıra sensorlar yer alır. Sadəcə bir dəfə şarj etməklə 6-7 gün istifadə oluna bilən cihaz əsasən idman fəaliyyətləri üçün nəzərdə tutulub.
