Artıq hamımıza məlumdur ki, Samsung Galaxy A seriyası məhsul çeşidini zəif modellərdən başlayaraq növbəti ilin yazına qədər Galaxy A55 modelində sonlandırana kimi davam edəcək. Bir müddətdir ki, Galaxy A25 modeli haqqında müxtəlif sızıntılar eşidirik. İndi isə modellə bağlı tam təfərrüatlar bəlli olub. Cihazın bu il təqdim edilmiş Galaxy A54 modelindəkindən biraz zəif Exynos 1280 çipsetindən güc alacağı təsdiqlənib. Beləliklə, Galaxy A25 modelinin bütün xüsusiyyətləri təsdiqlənmiş hesab edilir.
Bu barədə məlumat Geekbench verilənlər bazasında Galaxy A25 5G-nin Exynos 1280 ilə test nəticələrinin dərc edilməsidir. insayderlərin verdiyi məluamata əsasən, cihazın 6.44 düymlük AMOLED ekran paneli, 50 MP əsas arxa kamera, 8 GB operativ yaddaş və 25 Vatt sürətli simli doldurma təklif edən 5000 mAs batareya paketinə sahib olacağı bildirilib. Həmçinin sızan məlumatlar arasında cihazın 162 x 77,5 x 8,3 mm ölçülərində olub, 3.5 mm qulaqlıq yuvasına sahib olacağı da var.
Bildirildiyi kimi, smartfon qutudan Android 14 əsaslı One UI 6.0 ilə çıxacaq. Ona görə də təqdimatın bir müddət sonra keçiriləcəyini deyə bilərik. Bu nöqtədə qeyd etməliyik ki, önümüzdəki aylara işarə edilir. Galaxy A25 haqqında bildiklərimiz hələlik bunlarla məhdudlaşır. Bununla belə, yaxın həftələrdə daha da çox təfərrüatın paylaşılması gözlənilir.
