Samsung-un növbəti orta səviyyəli smartfonu Galaxy A57-nin Exynos 1680 prosessoru ilə təchiz ediləcəyi bildirilir. Belə ki, GalaxyClub, S5E8865 model nömrəli yeni çipsetini ortaya çıxarıb. Samsung, son aylarda satışa çıxardığı Galaxy A56 modelini yeni Exynos 1580 prosessoru ilə təchiz edib. Şirkət gələn ilki Galaxy A57 modeli üçün başqa bir prosessor hazırlayır və performans göstəricisini bir az da yüksəltməyi hədəfləyir.
Yeni çipsetin Exynos 1580 üzərində qurulması gözlənilir. Xatırladaq ki, hazırkı prosessor 2,9 GHz tezlikdə işləyən bir Cortex-A720 nüvəsindən, 2,6 GHz tezliyində 3 Cortex-A720 nüvəsindən və 1,95 GHz tezliyində 4 Cortex-A520 nüvəsindən ibarətdir. Qrafik tərəfdə AMD tərəfindən hazırlanmış Xclipse 540 GPU var. Bu isə o deməkdir ki, yeni çipsetin nüvə tezliyi bu rəqəmlərdə bir az da yüksək olacaq. Beləliklə, Galaxy A57 modelinə güc vermərsi gözlənilən Exynos 1680 çipseti də sələfindən bir qədər yüksək performansa sahib olacaq.
Exynos 1680-in eyni əsas arxitekturalardan istifadə edəcəyi gözlənilir, lakin onun 1+4+3 kimi konfiqurasiyanı qəbul edə biləcəyi bildirilir. Qrafik tərəfdə, AMD-nin RDNA 3.5 arxitekturasından istifadə edən yeni GPU-nun daxil olacağı gözlənilir. Prosessorun sələfi ilə eyni 4nm texnologiyası ilə istehsal ediləcəyi ehtimalı da yüksəkdir. Nəzərə alın ki, bu məlumat hələlik fərziyyədir və gələcəkdə dəyişə bilər.
