Counterpoint Research tədqiqatçıları 2022-ci ildə ən çox satılan smartfonlar siyahısını açıqlayıb. Counterpoint Research məlumatlarına görə, 2022-ci ildə dünyada ən çox satılan smartfon modeli Apple şirkətinin istehsal etdiyi iPhone 13 olub. İkinci yerdə iPhone 13 Pro Max olduğu halda, üçüncü yerdə iPhone 14 Pro Max qərarlaşıb. Dördüncü yerdə siyahının ilk Android modeli Samsung Galaxy A13, beşinci ən çox satılan model isə iPhone 13 Pro-dur.
iPhone 12 altıncı yerdə gələrkən, siyahının davamında müvafiq olaraq iPhone 14, iPhone 14 Pro, iPhone SE 2022 və digər Android telefon modeli Samsung Galaxy A03 yer alıb. İllərdir yüksək qiymətlərə baxmayaraq, iPhone istifadəçilərinin bir nömrəli üstünlükləri arasında qalmaqda davam edir. Dünyanın demək olar ki, hər yerindən gənclər xüsusilə iPhone-ları istifadə etməyə davam edirlər. İş dünyasında da çox seçilən iPhone modelləri, insanları Apple ekosisteminə gətirdikləri üçün şirkətə böyük gəlirlər qazandırmağa davam edir.
Apple imzalı iPhone 12, Counterpoint Research-in 2021-ci ildə ən çox satılan smartfonlar siyahısında liderlik edirdi. İkinci yerdə iPhone 12 Pro Max, üçüncü yerdə 2021-ci ilin sonunda gələn iPhone 13, dördüncü yerdə iPhone 12 Pro, beşinci yerdə isə iPhone 11 modelləri yer alırdı. Orta mənzilli Samsung Galaxy A12 siyahıda altıncı yeri tutanda, yeddinci cihaz Xiaomi Redmi 9A, səkkizinci telefon iPhone SE 2020, doqquzuncu telefon iPhone 13 Pro Max və nəhayətXiaomi Redmi 9 onuncu telefon olmuşdu.
