Mrwhoistheboss YouTube kanalı 2 metri keçən hündürlüyü ilə rekord qıran dünyanın ən böyük və ən güclü iPhone-nu hazırlayıb. Maraqlısı budur ki, cihaz sadəcə ölçüsü ilə deyil həm də performası ilə standart modelləri qabaqlayır.
Keçən il bir YouTuber dünyanın ən böyük işləyən iPhone modelini hazırladıqdan sonra məşhur Mrwhoistheboss adlı bu kanal da oxşar iş üzərində çalışıb. Bu dəfə isə o öz adının Ginnesin Rekordlar Kitabına yazdırmağı bacarıb. Bu dəfə isə Mrwhoistheboss kanalı DIYperks kanalı ilə əməkdaşlıq edərək yalnız 8 nəfərin daşıya biləcəyi və təkərli dayaqla idarə oluna bilən iPhone hazırlayıb. Rekordlar kitabına düşməyi bacaran smartfon Intel prosessoru, Radeon qrafik kartı, 128 GB RAM və 4 TB SSD yaddaşdan ibarət sistem ilə təchiz edilib. Arxa kameralar Canon EOS və Sony kimi peşəkar kameralardan ibarətdir.
Dünyanın ən böyük iPhone-u həmçinin 400 Vt gücündə flaşa sahib olub. Mrwhoistheboss cihazın görünüşünü standart iPhone modelləri ilə eyni etməyi bacarsa da, proqram təminatı tərəfində işlər bir qədər fərqlidir. Belə ki, cihaz iOS sisteminə oxşar Android emulyatoru əsasında işləyir. Onsuz da iOS əməliyyat sistemini iPhone-dan kənar heç bir cihaza quraşdırmaq mümkün deyil. Buna görə də Mrwhoistheboss oxşar sistemdən istifadə etməyi qərara alıb. Ginnes öz rekordlar kitabında cihaza dünyanın ən böyük işləyən smartfon kopyasaı adını da verib.
