SpaceX Crew Dragon göyərtəsində Polaris Dawn kommersiya missiyası zamanı komandir Jared Isaacman və missiya mütəxəssisi Sarah Gillis tərəfindən təmsil olunan ekipaj üzvləri kosmosda uğurlu uçuş həyata keçiriblər. Beləliklə, tarixdə ilk dəfə olaraq SpaceX sayəsində kosmik turistlər kosmosa uçaraq təcrübə əldə ediblər.
ABŞ Hərbi Hava Qüvvələrinin təqaüdçü polkovnik-leytenantı Scott Poteet və SpaceX mühəndisi Anna Menon da daxil olmaqla, dörd ekipaj üzvü şirkətin skafandrlarını geyindiyi andan etibarən saat təxminən 14-12-də kosmos yürüyüşünə başlayblar. Daha sonra kosmik gəmi idarəli bir şəkildə təzyiqsizləşdirilib və bütün dörd ekipaj üzvü skafandr geyinərək canlı yayımda kosmos təcrübəsini əldə ediblər. Kosmik gəmidəki təzyiq sıfıra endikdə, 0,35-ə qaldırılmadan əvvəl skafandrlarda 0,33 atmosferdə saxlanılıb. Qeyd edək ki, gəmi Hind okeanı üzərində 740 kilometr hündürlükdə uçarkən 38-ci dəqiqədə qapaq açılıb və İsaakman boşluğa daxil olaraq orada təxminən 10 dəqiqə vaxt keçirib. Maraqlısı budur ki, bu bir kosmik turistin ilk kosmos gəzintisi olub.
Ümumiyyətlə, kosmosda yürüyüş etmək əvvəllər sadəcə peşəkara astronavtlar tərəfində edilirdi. İndi isə Kosmik turistlər də kosmosa uçaraq yürüyüş ediblər. Bunun ardınca yürüyüş missiya mütəxəssisi Sara Gillis tərəfindən təkrarlanıb. Bu zaman isə kosmik gəmi artıq Sakit Okeanı üzərinə çatmışdı. Qayıdanda gəminin qapağı yenidən bağlanaraq möhürlənib və içindəki təzyiq də normallaşdırılıb. SpaceX bütün əməliyyatı X sosial şəbəkəsində canlı yayımlayıb. Dünən SpaceX, Polaris Down missiyası çərçivəsində daha bir rekord qıraraq, kosmik gəminin orbitini 1400,7 kilometr yüksəkliyə yüksəldib. Bu, Aya uçuşlar istisna olmaqla, insanların kosmosda çıxa bildiyi ən yüksək orbit hesab olunur. İnsanlar sonuncu dəfə Apollon 17 missiyası zamanı Yerdən bu qədər yüksəkliyə qalxıblar.
