Smartfonlar üçün çıxartdığı çipsetlərinin olduqca rəqabətcil olması ilə bazarda güclənən Mediatek şirkəti orta-seqmentə hücum etməyə davam edir. Belə ki, Dimensity 8000 seriyası ilə orta-üst seqmentdə performans və enerji səmərəliliyi ilə Dimensity 8000 seriyası möhtəşəm iş ortaya çıxarmışdı. Lakin Dimensity 7000 seriyasının başlatmaqla Mediatek maraqlı bir addımla Qualcomm şirkətini sıxışdırmaq istəyir. Performans baxımından sadəcə Geekbench testləri çıxdığı üçün, əsasən Snapdragon 6 Gen 1 seriyasının hədəf alındığını söyləmək mümkündür. Snapdragon 7 Gen 1 seriyası Dimensity 8200 ilə ayaqlaşmaqda geri qalsa da Snapdragon 6 Gen 1 üçün Mediatek şirkətinin ciddi bir rəqibi görünmürdü. Dimensity 1080 belə artıq texniki cəhətdən biraz köhnəlmiş hesab edilir. Ona görə də Dimensity 7200 ilə Mediatek öz əlini hər səviyyə üçün güclü tutmaq fikrindədir.
Seriyanın ilk çipseti olan Dimensity 7200 nə vəd edir?
Dimensity 7200 çipsetinin texniki imkanlarına istehsal prosesi ilə başlayaraq danışmaq lazımdır. Çipseti TSMC şirkətinin 4nm texnoloji prosesi ilə hazırlanıb. Bənzər texnoloji prosesi Dimensity 9200 çipsetindən tutmuş Snapdragon 8 Gen 2 seriyasına qədər görmək mümkündür. Bəli, öz daxilində düymlər belə nəsillərə ayrılır. Lakin verilən məlumata görə, bu çipset elə həqiqətən də sadaladığımız çipsetlərlə eyni ikinci nəsil N4P 4nm texnoloji prosesi mənimsəyir ki, bu da çipsetin möhtəşəm enerji səmərəliliyinə malik olacağından xəbər verir.
Çipsetin sahib olduğu nüvə arxitekturasına baxdıqda isə yeni nəsil nüvələri görürük. Çipsetin sələfində 2 ədəd Cortex-A715 nüvəsi 2.8GHz tezlikdə, 6 ədəd Cortex-A510 nüvəsi 2.0GHz tezlikdə işləyir. Gördüyünz kimi, çipset 2+4 nüvə düzülüşünə malikdir. Lakin indiyə qədər gördüyümüz bütün bənzər nüvə düzəlişli çipsetlərdən fərqli olaraq 2 performans nüvəsinin tezliyi çox yüksəkdir.
- 2 x Cortex-A715 (2.8 GHz)
- 6 x Cortex-A510 (2.0 GHz)
Sintetik testlərə nəzər saldıqda demo variantlı cihazda Dimensity 7200 çipseti, Geekbench tək nüvəli testində 842 xal, Geekbench çox nüvəli testində 2226 xal toplayır. Lakin daha dəqiq nəticələr rəsmi bir smartfon modeli çıxana qədər naməlum olaraq qalacaq. Ümumi baxımdan Snapdragon 695 5G çipsetinə yaxın performans göstərirmiş kimi görünür. Texniki xüsusiyyətləri nəzərən Geekbench testində belə nəticə verməsi demo variantlı VIVO modeli nəzərən heç də uyğun gəlmir. Performans həddindən artıq az görünür. Bəzi mənbələr yekun məhsulda, performansın Snapdragon 7 Gen 1 çipsetindən belə yüksək ola biləcəyini bildirir.
Qrafik çipi olaraq isə Mali-G610 MC4 işlədilib və adından da göründüyü kimi 4 nüvəli konfiqurasiyaya malikdir. Dimensity 7200 çipsetli cihazlda FHD+ təsvir ölçülü ve 144Hz tezlikli ekran işlədilə biləcək. 4K HDR video çəkiliş, 200 MP kamera dəstəyi, eyni vaxtda iki kameradan video çəkilişi kimi imkanlar da verməkdədir. MediaTek HyperEngine 5.0 ilə AI əsaslı Rate Shading xüsusiyyəti, o cümlədən UFS 3.1 yaddaş və 6400Mbps (LPDDR5) operativ yaddaş dəstəyi gətirir. Bu çipsetə sahib smartfonların bu ilin birinci yarısı bazarda olacağı bildirilir. VIVO V21 modeli isə Dimensity 7200 ilə təchiz olunmuş ilk model olacaq.
