Carl Pei bildiyimiz kimi OnePlus brendinin həmtəsisçisidir, lakin o ötən illərdə Nothing adlı şəxsi şirkəti təsis edərək OnePlus ilə yollarını ayırdı. Carl əvvəllər ən son iPhone modelini nəzərdən keçirərək smartfon rəyləri dünyasına qədəm qoymuşdu. İndi isə o, köhnə şirkətinin ən yeni telefonu OnePlus 11 haqqında çox maraqlı bir icmalla geri dönüb.
Carl Pei 12 dəqiqəlik OnePlus 11 icmal videosunda telefonun texniki xüsusiyyətləri nəzərən proqram təminatına reaksiyalarını nəzərdən keçirir. O, cihazı “gözəl” kimi təsvir edir və əksər istifadəçilərin diqqətindən kənarda qala biləcəyi dizayn detallarına istinad edir. Buraya kamera modulunun incə teksturaları və telefonun kənarlarının əslində olduğundan daha incə hiss etdirməsi daxildir.
Bununla belə o, bəzi künc kəsimlərini tənqid edir. Məsələn, smartfonu haşiyələmiş formada dizayn edilmiş kənar elementlər kamera modulunun da yanlarına çıxıb. Lakin kamera modulu bu çıxıntı üzərində yeni bir komponent kimi yerləşdirilib. Eyni zamanda bəzi yanlış hündürlükdə qoyulan düymə yerləri də tənqid olunub. Yenə də Carl tez-tez OnePlus 11 modelinin ümumi premium hissindən necə təsirləndiyini dilə gətirib.
Carl Pei üçün ən kritik yanaşma OnePlus 11 modelinin proqram təminatıdır. ColorOS əsaslı interfeysə keçdikdən sonra ilk dəfə OxygenOS istifadə edir. O, şirkətin nəyə görə belə bir addım atdığını və OxygenOS interfeysi ilə oynadığını başa düşmədiyini deyir. O, həmçinin proqram təminatının yararlılığı ilə bağlı çoxsaylı problemlərlə üzləşdiyini, o cümlədən menyunun açılması və Çin simvolları nəzərə alınmaqla hazırlanmış mətn bloklarının olduğunu bildirir.
Nəticədə, bu mənfi arqumentləri kənara qoysa ümumi baxımdan Carl Pei telefonun yaxşı olduğunu bildirdi. Fiziki olaraq, OnePlus, axtardığı brend bütövlüyünə sahib deyil. Həmçinin, proqram çoxlu faydalı xüsusiyyətləri özündə cəmləsə də, onun istədiyi qədər cilalanmış deyil.
Bütün YouTube platformasında smartfon rəylərini tapmaq asan olsa da, hər hansı bir şirkətin startapında əsas rol oynayan şəxsin ən son cihazı haqqında obyektiv rəy verməsi tez-tez qarşılaşdığımız hallardan deyil.
