Birçoxlarımız 4K təsvir ölçülü ekran alıb-almayacağımızı fikirləşərkən, Çinin BOE şirkəti dünynanın ilk 16K təsvir ölçülü ekranını təqdim edib. Belə ki, texnologiya nəhəngi dünyanın ilk 16K təsvir ölçülü nəhəng ekranını Display Week 2023 tədbirində təqdim edib. Artıq bazarlarda 6K və 8K təsvir ölçülü möhtəşəm ekranlardan əlavə 16K təsvir ölçülü nəhəng ekranlar da təklif olunacaq. Yeni ekran ilə Çin bir daha texnologiya sahəsində rekord qırdı. Qeyd edək ki, 16K təsvir ölçüsü 15360×8640 piksel kimi də ifadə olunur. Hazırda bazarda mövcud olan ən performanslı qrafik kartları belə bu ekranda heç bir oyun oynamağa imkan verməyəcək.
BOE şirkəti tərəfindən hazırlnan 132 milyon pikseldən ibarət olan 16K təsvir ölçülü ekran 110 düym ölçüyə malikdir. Qeyd edək ki, yeni ekranda olan piksellərin sayı 4K təsvir ölçülü ekranlardakı piksellərdən 16 dəfə, 1080p təsvir ölçülü ekranlardakı piksellərdən isə 64 dəfə daha çoxdur. Bundan əlavə GeForce RTX 4060 Ti və Radeon RX 7600 kimi müasir qrafik kartları bu ekranın yanında çox zəif qalır. Qeyd edək ki, LCD ekran DCI-P3 rəng diapazonunun 99%-ni əhatə edir. 1200:1 kontrast təmin edən ekran 400 nit parlaqlığa malikdir. Maraqlısı budur ki, ekranın yenilənmə tezliyi yalnız 60Hz-dir.
Hələlik BOE şirkətinin yeni 16K təsvir ölçülü ekranının nə vaxt satışa çıxarılacağı məlum deyil. Ümumiyyətlə bu ekran üçün uyğun olan heç bir qrafik kartı mövcud deyil. Belə ki, Geforce RTX 4090 qrafik kartı belə yalnız 8K təsvir ölçülü ekranları dəstəkləyir. Məhz bu səbəbdən yeni ekranın bazara çıxması biraz uzun çəkə bilər. Həmçinin qrafik kart istehsalçılarının məhz bu ekran üçün xüsusi olaraq qrafik kartı istehsal edib-etməyəcəyi hələlik məlum deyil.
