Avropa Birliyi smartfon batareyası ilə bağlı qəbul etdiyi yeni qərar ilə smartfonların əvvəlki dizaynlarını və funksiyalarını geri qaytarmağa çalışır. Belə ki, Avropa Birliyi USB-C qərarından sonra indi də smartfonların dəyişdirilə bilən batareyalar ilə təchiz edilməsi ilə bağlı qərar qəbul edib. Beləliklə Avropa növbəti 5 il ərzində dəyişdirilə bilən smartfon batareyası dizaynına geri qayıtmağı planlayır. Avropa Parlamentində keçirilən səsvermədə ümumilikdə 587 lehinə səs toplanıb. Onların 20-i bitərəf, 9-u isə yeni qərarın əleyhinə olub.
Böyük səs çoxluğu ilə Avropa Birliyi tərəfindən smartfonların batareyası ilə bağlı qərar batareyların təkrar istehsalı və yaşıl iqtisadiyyatın genişlənməsi məqsədi ilə qəbul olunub. Hətta qısa müddət əvvəl Avropa Birliyində batareyaların təkrar istehsalının genişləndirilməsi ilə bağlı addımlar atılmışdı. Xatırladaq ki, ötən günlərdə Avropa Birliyi noutbuklar ilə bağlı da eyni addımı atmışdı. Hal-hazırda bir çox smartfon batareyası daxildə quraşdırılıb. Yəni onların dəyişdirilməsi üçün ya servisə müraciət etməli, ya da smartfonu özünüz sökməyi bacarmalısız.
Maraqlısı budur ki, yeni qərar Avropa Birliyinin ötən aylarda qəbul etdiyi USB-C qərarından sonra ortaya çıxdı. Yəni Apple brendi artıq həm enerji girişini lightining-dən USB-C veriyasına çevirməli həm də, smartfonlarının dizaynında dəyişiklik etməlidir. Bir tərəfdən yeni qərar smartfonların köhnə dizaynda qalmasına səbəb olsa da, digər tərəfdən batareyaların təkrar istehsalını asanlaşdırır, onların tullantıla atılmasının qarşısını alır. Yeni qayda 2027-ci ildə qüvvəyə minəcək. Lakin bu qərar istehsalçılardan asılı olaraq təxirə salına bilər.
