Bildiyimiz kimi, App Store və Play Store kimi tətbiq mağazaları artıq bu sahədə inhisar meydana gətirib. Belə ki, əksər insanların smartfonları üçün yeganə tətbiq mağazası ya App Store ya da Play store mağazasıdır. Lakin texnologiya sahəsində inkişaf etmiş Yaponiya App Store və Play Store kimi mağazaların inhisarına son qoyaraq tətbiq mağazaları sahəsində rəqabət yaradacaq. Hal-hazırda smartfonların əksəriyyətində adı çəkilən tətbiq mağazaları əvvəlcədən quraşdırılmış şəkildə təklif olunur. Həmçinin istifadəçilər bu tətbiq mağazalarından imtina etmək istəsələr smartfonlarına heç bir tətbiqi yükləyə bilmirlər.
Bunun əsas səbəbi isə həm Apple həm də Google şirkətlərinin tətbiq mağazası sahəsindəki inhisarıdır. Belə ki, bu şirkətlər istifadəçilərin öz smartfonlarında adı çəkilən tətbiq mağazalarından başqa mağazalardan tətbiq yükləməsinə icazə vermir. Həmçinin onların fəaliyyətini məhdudlaşdırır. Texnologiya nəhəngləri bu hərəkətlərini istifadəçilərin təhlükəsizliyin qorunması da adlandırırlar. Qeyd edək ki, Apple ümumiyyətlə iPhone modelləri üzərində tətbiq mağazası inhisarını tam şəkildə qurub. Yəni istifadəçilər istəsələr belə öz smartfonlarına heç bir tətbiq mağazası əlavə edə bilmirlər. Hətta bununla bağlı bir çox rəqib də Apple şirkətinə xəbərdarlıq edib. Lakin Apple öz fikrindən geri dönmək niyyətində deyil.
Yaponiya App Store və Play Store kimi tətbiq mağazalarının fəaliyyətinin azaltmaqla tətbiq mağazaları sahəsində rəqabət yaratmağa çalışacaq. Yaponiya hesab edir ki, azad bazar texnologiyaların daha çox inkişaf etməsinə və təkmilləşməsinə səbəb olur. Ümumiyyətlə Yaponiya bildirir ki, adı çəkilən tətbiq mağazaları istifadəçilərə tam olaraq pulsuz təkliflər vədd etmir. Məhz bu prosesin dəyişməsi üçün və tətbiqlərin qiymətlərinin aşağı salınması üçün bazara digər tətbiq mağazalarının daxil olmasına imkan vermək lazımdır.
