Bir istifadəçinin okeanda, daha dəqiq desək Karib dənizində suya tullanarkən itən “Apple Watch” smart saatı eyni nağıllardakı kimi möcüzəvi şəkildə sahibinə qayıtmağı bacarıb. Ümumiyyətlə, biz bir çox hallarda Apple Watch saatlarının çətin şəraitlərdə heç bir ziyana uğramadan çıxa bildiyi xəbərləri ilə rastlaşmışıq. Bu dəfə də daha bir çətin şəraitdən xilas olan Apple Watch sahibinə qovuşub.
![apple watch okeanda](https://tedroid.com/media/2024/07/apple-watch-okeanda-islek-veziyyetde-qalib.webp)
YouTube-da paylaşılan hadisəyə görə, 2022-ci ilin iyun ayında Karib hövzəsinə tətilə gedən istifadəçi suya tullanarkən Apple Watch seriyalı ağıllı saatının itdiyini görüb. Hadisəni uzun müddət ört-basdır edən istifadəçi ötən ilin yayında Cihazımı Tap proqramında cihazını itmiş kimi qeyd etmək qərarına gəlib. Dekabr ayında isə ona Karib dənizi regionundan anonim zəng gəlir və ona ağıllı saatın tapıldığı bildirilir. Daha sonra Apple Watch modeli ona karqo ilə göndərilir. İstifadəçini ən çox təəccübləndirən isə 1 ildən çox duzlu suda qalan saatın hələ də işlək olmasıdır.
Qeyd edək ki, Apple Watch 50 metrə qədər suya davamlıdır, lakin duzlu su zamanla saatın hissələrini zədələyə bilər. İndiki halda isə Apple Watch düz 1 il özünü duzlu sudan da mühafizə etməyi bacarıb. Əlavə olaraq xatırladaq ki, Apple bu il daha bir Watch SE seriyalı ağıllı saat təqdim etməyi düşünür. Lakin bu dəfə Apple Watch SE sələfindən həm görünüş, həm də keyfiyyətcə fərqlənə bilər.