Google şirkətinə yaxın mənbələrə görə, şirkət kiber təhlükəsizlik startapı olan Wiz üçün 23 milyard dollar ödəməyə hazırdı. Qeyd edək ki, əgər danışıqlar uğurlu alınarsa bu, indiyədək olan ən böyük startap alışı olacaq. Ümumiyyətlə, Google, Amazon və Oracle daxil olmaqla tərəfdaşları ilə bulud kibertəhlükəsizliyi təşəbbüsü olan Wiz 2020-ci ildə təsis edilib.
Bu yaxınlarda açıqlanan məlumata görə, axtarış və proqram təminatı nəhəngi Google, gənc startap olan Wiz-i 23 milyard dollara almaq üçün qabaqcıl danışıqlar aparır. May ayında 12 milyard dollarlıq dəyərə çatan Wiz-in yaxın gələcəkdə birjaya çıxması planlaşdırılırdı. Digər tərəfdən, Google Wiz üçün 23 milyard dollar ödəməyə hazırdı. Müqavilə bağlanarsa, bu, Google-un başqa bir şirkət üçün indiyə qədər ödədiyi ən çox ödəniş olacaq. Belə ki, bu məbləğ şirkətin 2012-ci ildə Motorola Mobility-yə xərclədiyindən təxminən iki dəfə çoxdur. Wiz bildirir ki, o, bulud mühitləri üçün təhlükəsizlik təbəqələri və dəyərlər təmin etməklə korporativ bulud infrastrukturunu təmin edir.
Bu isə əhəmiyyətli hesablama resursları olan böyük şirkətlər üçün cəlbedicidir. Xüsusilə kiber təhlükəsizliyin artan əhəmiyyətini nəzərə alsaq, startapın dəyərinin artması çox normaldır. Bununla belə, Google daha əvvəl kibertəhlükəsizliyə yönəlmiş böyük satın almalar etmişdi. Xatırladaq ki, şirkət iki il əvvəl Mandiant kibertəhlükəsizlik firmasını 5,4 milyard dollara satın almışdı.
