Apple süni intellekt sahəsində xeyli geridə qalsa da, cihazlarını da gec təqdim edib. Hətta şirkət hazırda bu süni intellekt xüsusiyyətini sadəcə ingilis dilində təklif edir. Tim Cook isə süni intellekt barədə bütün tənqidlərə cavab olaraq bildirib ki, “Apple birinci ola bilməsə də, ən yaxşısı olacaq!”.
Bildiyimiz kimi, Apple iOS 18 və iPhone 16 modelini təqdim etdiyi böyük tədbirdə Apple Intelligence xüsusiyyətlərindən bəhs etmişdi. Maraqlısı budur ki, bu xüsusiyyətlər hələ də istifadəyə verilməyib. Belə ki, texnologiya nəhəngi, süni intellekt xüsusiyyətləri dövri yeniləmələrlə tədricən təqdim ediləcək. Süni intellekt sahəsində artıq geridə olan Apple bu yol xəritəsi ilə tənqid atəşinə tutulub. Şirkətin rəhbəri Tim Cook isə nəhayət öz sükunətini pozaraq açıqlama verib. Onun sözlərinə görə Apple süni intellekt tərəfində ən yaxşısı olacaq.
Məlumdur ki, Apple süni intellekt sənayesində təxminən iki il geridədir, lakin Tim Cook, deyəsən, buna əhəmiyyət vermir. Apple ən azı on ildir maşın öyrənməsi altında süni intellekt üzərində işləsə də, “Apple Intelligence” kimi təqdim edilən paket hələ də istifadəçilərə çatmayıb. Cook deyir ki, onlar süni intellekti istifadəçilər üçün ən yaxşı hesab etdikləri şəkildə qururlar. O, bir işi ilk necə edəcəyini elan etməkdənsə, insanlara töhfə verəcək məhsul yaratmağın çox daha vacib olduğunu vurğulayır. Cook-un ən çox istifadə etdiyi və sevdiyi Apple Intelligence xüsusiyyəti isə e-poçt xülasəsidir. Cook bildirir ki, bu xüsusiyyət hətta onun gündəlik həyatını da dəyişib. Qeyd edək ki, Apple Intelligence növbəti bir neçə ay ərzində tədricən və müxtəlif ölkələrdə tətbiq olunacaq. Artıq yaxın günlərdə iOS 18.1 versiyası da bizlərə təqdim ediləcək.
