Apple, işçilərin “LLM Siri” adlandırdığı daha təkmil, daha ağıllı və daha danışan Siri üzərində işləyir. Belə ki, yeni Siri-nin 2026-cı ildə təqdim edilməsi planlaşdırılır.
Apple, məşhur rəqəmsal köməkçisi Siri-ni yenidən dizayn etmək üçün böyük bir addım atır. Şirkət ChatGPT və digər süni intellektə əsaslanan xidmətlərlə rəqabət aparmaq üçün “LLM Siri” adlı yeni nəsil sistemi inkişaf etdirmək prosesindədir. Siri-nin bu daha təkmil və interaktiv versiyasının 2026-cı ildə istifadəçilərə təqdim edilməsi planlaşdırılır. Yeni Siri böyük dil modellərindən (LLM) istifadə edərək daha təbii, insana bənzər söhbətlər apara biləcək. O, həmçinin daha mürəkkəb sorğulara daha sürətli cavab verməklə istifadəçi təcrübəsini yaxşılaşdıracaq.
Şirkət daxilindən gələn iddialara görə, bu texnologiya indiki Siri interfeysini əvəz edəcək və iOS 19 və macOS 16 yeniləmələri ilə birlikdə elan ediləcək. Əslində Apple, bu yeniliyi bir ildən artıqdır ki, sınaqdan keçirir. Siri-nin yeni versiyası mətnin yazılması, ümumiləşdirmə və üçüncü tərəf proqramları üzərində daha dəqiq nəzarət kimi funksiyaları təklif edəcək. Yeni texnologiya, şirkətin bu il təqdim etdiyi Apple Intelligence platforması ilə inteqrasiya olunmuş şəkildə işləyəcək. Apple-ın inkişaf prosesi zamanı əsas məqsədi, Siri-nin istifadəçilərlə daha sürətli qarşılıqlı əlaqəsini təmin etməkdir.
