Çinin məşhur sosial media platforması Weibo-da iki milyondan çox izləyicisi olan Fixed Focus Digital resursunun məlumatına görə, iPhone SE-də adlandırma dəyişdiriləcək. Fərqli bir insayder olan Majin Bu da 31 dekabrda fərqli bir mənbəyə istinad edərək cihazın iPhone 16E olacağını təkrar iddia edib.
Adın böyük E hərfindən istifadə edəcəyi və ya adın iPhone 16e və ya kvadratın içərisində E hərfi olan iPhone 16 olacağı gözlənilir. Bu ilin birinci yarısı təqdim edilməsi ilə söz-söhbətlərin gəzdiyi cihaz üçün Apple-ın hədəfi ənənəvi “SE” təəssüratını bitirməkdir.
Cihazın istənilən halda, iPhone 16-ya bənzəyən əsas iPhone 14 ilə oxşar gövdə üzərində inşa olduğu gözlənilir. Şayiələrə görə, 6,1 düymlük OLED displey, Face ID, USB-C portu, tək 48MP arxa kamera, daha yeni A seriyalı çip, Apple Intelligence üçün 8 GB RAM-ın bu cihazda olması gözlənilir. Cihazda iPhone 15 Pro modellərində debüt edən “Action” düyməsinin olub-olmayacağı bəlli deyil. Hansı ki, sol üstdəki “səssiz” düyməsini əvəzləyən həll nəzərdə tutulur.
Bu resurslar daha əvvəl iPhone 16 Pro modellərinin Desert Titanium ilə bitən yeni bürünc rəngdə olacağını iddia etmişdi. O zaman rəng haqqında şayiələr yayılmışdı. Nəticə isə demək olar öz təsdiqini tapdı. iPhone SE-nin varisinin iPhone 16 ilə eyni seriyaya əsaslanan, iPhone 16E olmasını isə yaxın vaxtlarda daha dəqiq öyrənə biləcəyik.
Apple cari iPhone SE-ni 2022-ci ilin martında onlayn tədbir zamanı elan etdi. Cihaz iPhone 8-ə bənzəyirdı. Touch ID düyməsi, lightning portu və ekran ətrafındakı qalın çərçivələr kimi köhnəlmiş xüsusiyyətləri ilə sevilməmişdi. ABŞ-da iPhone SE hazırda 429 dollardan başlayır, lakin növbəti model üçün ən azı cüzi qiymət artımı ehtimalı var. Buna baxmayaraq çıxacağı qiymət səviyyəsi orta-üst seqmentdən olan müxtəlif Android smartfonlarla güclü rəqabət yaratmalıdr.
