Grand Theft Auto 6 bütün zamanların və xüsusilə 2025-in ən böyük oyun gözləntilərindən birinə çevrilib. Rockstar Games, çoxdan gözlənilən oyunun sələfindən 10 ildən uzun zaman sonra, 2025-ci ilin payızında konsollara çıxacağını bildirmişdi.
Fanatlar həvəslə treylerlərdən və müsahibələrdən hər bir ipucunu ayırır və sosial mediada həyəcanı canlı saxlayır. Bonnie və Clyde-dən ilham alan hekayə haqqında şayiələrdən tutmuş Vice City-ə qayıdışa qədər oyun, pərəstişkarlarının gözləntilərini görülməmiş miqyasda artırıb.
DFC Intelligence analitiklərinin son proqnozları göstərir ki, GTA 6 oyununun ilk ilində heyrətamiz bir məbləğ kimi 3.2 milyard dollar gəlir qazandırması nəzərdə tutulur. Analitiklər isə hələ oyun istifadəyə açılmazdan əvvəl 1 milyard dollar ön sifariş alacağını proqnozlaşdırırlar. Financial Times-ın son hesabatında vurğulandığı kimi, bu rəqəmlər GTA 6-nın əyləncə meyarlarını yenidən müəyyənləşdirə biləcəyini, ehtimal olunan gəlirinin rekordları üstələyəcəyini göstərir.
Gözləntilər həqiqətən də yüksəkdir. IDG Consulting-in baş direktoru Yoshio Osaki oyunla bağlı həyəcanı ifadə edərək, onu “təkcə oyunlarda deyil, bütün media növləri və oyunlar arasnda tarixdə ən layihələrdən biri” olaraq adlandırıb. Oyunun naşiri Take-Two Interactive-in baş direktoru Strauss Zelnick bu fikirlə razılaşdı və bildirib ki: “Düşünürəm, Rockstar Games yenə də tamamilə qeyri-adi və əvvəlki heç bir şeyə bənzəməyən iş ortaya çıxaracaq.” dedi. The Financial Times yüksək gözləntilərə ehtiyatla yanaşan Zelnick-dən də sitat gətirib: “Mən heç vaxt görmədən həvəslənmiş olduğumu iddia etməzdim… amma gözlənti böyükdür.” və bunun səbəbini görmək asandır. GTA 6, 2025-ə damğa vuracaq sadə bir oyun deyil, “Rockstar” üçün ciddi bir gəlir, böyük bir “gameplay” platformasının bir hissəsi olacaq.
Rəsmi təfərrüatlar az olsa da, GTA icması boşluqları doldurmaq üçün hər gün sızıntılar etməyə çalışır. İkinci treylerin 27 dekabr 2024-cü ildə yayımlanacağına dair nəzəriyyələr sosial medianı doldurdu, lakin gün heç bir yeni görüntü olmadan keçdi. Bəzi pərəstişkarlar şayiələrin gecikməsinin buraxılışı 2026-cı ilə qədər geri çəkə biləcəyindən narahatdırlar, lakin insayderlər bunun çətin olduğunu düşünürlər.
Müvafiq xəbərlərdə aktyor Conni Rey Gill Rockstar layihəsində görünəcəyinə işarə vuraraq, oyunun aktyor heyəti ilə bağlı fərziyyələrə səbəb olub. Bu arada, digər tərtibatçılar GTA 6-nın başlanğıc pəncərəsi ilə rəqabət etməmək üçün öz buraxılışlarını strateji olaraq təxirə salmağa artıq başlayıblar.
