Artıq yeni aldığınız iPhone smartfonunuzu yeniləməyə ehtiyac qalmayacaq. Belə ki, amerikalı texnologiya nəhəngi Apple iPhone modellərini yenilənmiş halda qutuda müştərilərinə sata biləcək. Xatırladaq ki, Apple ötən həftələrdə “iPhone-ları qutularında yeniləməyin bir yolunu tapdığı” xəbəri ilə səs-küy yaratmışdı. İndi isə bu səs-küy öz təsdiqini tapdı. Artıq yeni alınan iPhone modellərini yeniləmək üçün gözləmək lazım olmayacaq.
Ümumiyyətlə yeni alınan smartfonlar qutudan çıxarıldıqdan dərhal sonra şirkət tərəfindən göndərilən ilk proqram yeniləmələri edilir. Lakin Apple demək olar ki, hərkəsin öyrəşdiyi bu ənənəni dəyişmək istəyir. Apple ilə bağlı iddaları ilə daim diqqət çəkən analitiklərdən biri olan Mark Gurman bildirib ki, Apple, iPhone-ları qutudan çıxarmadan birbaşa Apple Mağazalarında yeniləyəcək bir cihaz hazırlayır. Qeyd edək ki, bu cihazlar qoşulduğu iPhone modelini işə salmaq, söndürmək və yeniləmək kimi bir çox funksiyaya sahib olacaq. Əslində bu yol ilə Apple smartfonlarının “köhnəlməsinin” də qarşısını alacaq.
Bəzilər üçün bu yenilik o qədər də təəccüblü gəlməsə də, bir çox istifadəçi üçün maraqlı yenilik hesab olunub. Qeyd edək ki, bir çox istifadəçi yenidən qutudan çıxardıqları smartfonlarını yeniləmir. Məhz bu vəziyyət smartfonların bir çox buglara sahib olmasına və təhlükəsizlik boşluqlarının meydana gəlməsinə şərait yaradır. Apple hələlik yeni sistemi nə vaxtdan istifadəyə verəcəyi ilə bağlı açıqlama etməyib. Lakin analiktiklərə görə Apple iPhone modellərini gələn ilin birinci rübündən etibarən yenilənmiş halda satacaq.
