Yeni təqdim ediləcək iPhone 16 seriyasındakı bütün modellərin yeni iOS 18 süni intellekt xüsusiyyətlərinə sahib olacağı hər kəsə məlumdur. Bununla belə, Apple Intelligence olmadan iPhone 15 və iPhone 15 Plus modellərinin gələcəyi elə də parlaq görünmür. iPhone 15 iOS 18-in ən böyük yeni xüsusiyyətlərinə sahib olmayacaq. Məhz bununla deyə bilərik ki, iPhone 15, iPhone tarixində “ən sürətli köhnələn” model olmağı bacarıb.
İyun ayında Apple Intelligence ilk dəfə təqdim ediləndə, xüsusilə təəccüblü bir detal ilə gəlmişdi. Belə ki, bu xüsusiyyət üçün uyğun cihazların siyahısı xüsusilə iPhone tərəfində olduqca qısa idi. Çox yaxında təqdim olunacaq iPhone 16 və ondan sonrakı iPhone SE 4 modeli ilə iPhone 15 və iPhone 15 Plus-a maraq daha da azalacaq. Apple tarixdə demək olar ki, ilk dəfə yeni iOS süni intellekt xüsusiyyətlərini iPhone 15 Pro modelləri üçün eksklüziv edib. Beləliklə, iPhone 15, iPhone tarixində “ən sürətli köhnələn” model olaraq heç vaxt Apple Intelligence əldə edə bilməyəcək. iPhone 16-nın satışa çıxarıldığı zaman Apple Intelligence üçün tam dəstək verməsi gözlənilir.
Bu isə o deməkdir ki, istifadəçilər Pro modelini seçib-seçməməsindən asılı olmayaraq güclü A18 çipi sayəsində iOS 18.1 ilə birlikdə gələcək bütün yeni süni intellekt xüsusiyyətlərindən istifadə edə biləcəklər. iPhone 15 üçün əsl təhlükə əslində iPhone SE 4-dür. 2025-ci il iPhone SE modeli daha sərfəli qiymətə Apple Intelligence təklif edəcək. 2022-ci ildən bəri yenilənməyən iPhone SE-nin OLED ekrana sahib olacağı və dizayn baxımından iPhone 14-ə bənzəyəcəyi gözlənilir. Buna görə də yeni SE4 iOS 18 AI xüsusiyyətlərini sevənlər üçün yaxşı seçim olacaq.
