Apple ötən aylarda bizlərə yeni əməliyyat sistemi iOS 17 və yeni smartfon seriyası iPhone 15 seriyasını təqdim etmişdi. Lakin yeni əməliyyat sistemi bəzi təhlükəsizlik açıqlarına sahib idi. Həmişə olduğu kimi, Apple daha bir yenilənnmə ilə bu təhlükəsizlik açıqlıqlarını bağlayıb. Belə ki, bu dəfə Apple iOS 17.1 ilə birlikdə 18 təhlükəsizlik açığını bağlayıb. Bu açıqlar müvafiq olaraq Kontakt, axtar, Hava proqnozu, WebKit kimi əhəmiyyətli proqramlar da daxil olmaqla bir çox tətbiqdə aşkarlanmışdır.
Maraqlısı budur ki, Apple iOS 17.1 ilə bir çox təhlükəsizlik açığını bağlasa da, BMW sahiblərinin rastlaşdığı problemi aradan qaldırmayıb. Xatırladaq ki, ötən ay BMW iPhone 15 istifadəçilərinə mühüm xəbərdarlıq etmişdi. Bu xəbərdarlıq isə avtomobildəki simsiz enerji doldurma qurğusunun iPhone 15 modellərinə zərər verə biləcəyi ilə bağlı idi. Belə ki, açıqlamaya görə simsiz enerji smartfonun NFC çipsetini sıradan çıxara bilərdi. Artıq bu məsələ ilə bağlı Apple şirkəti də xəbərdar olsa da, yenilənmə bu problemin aradan qaldırılması üçün nəzərdə tutulmayıb.
Hələlik, AirDrop AirDrop əhatə dairəsindən çıxdığınız zaman məzmunun ötürülməsinin internet üzərindən davam etməsi, Ekranın sönülü qalması, Musiqi və digər bir çox tətbiqdəki təhlükəsizlik açığı aradan qaldırılıb. Bundan əlavə ötən həftələrdə sosial mediada gündəm olan ekran yanması problemi də bu yenilənmə ilə aradan qalxıb. Lakin Apple iOS 17 sistemini bir daha yeniləməli olacaq.
