Beləliklə, qatlanan smartfon bazarına uzun müddətdir ki, girməsi gözlənilən Apple şirkəti növbəti illərdə sürpriz edə bilər. Belə ki, Apple şirkətinin 2026-cı ildə iki fərqli qatlana bilən cihaz təqdim edəcəyi iddia olunur. Həmçinin bildirilir ki, şirkət 2026-cı ildə qatlanan ekranlı iPad və ya MacBook təqdim edəcək.
İPad olma ehtimalı daha yüksək olan bu cihazın 18,8 düymlük ekrana sahib olacağı deyilir. Apple-ın çoxsaylı prototipləri üzərində sınaqdan keçirdiyi ilk qatlana bilən iPhone modelinin Samsung Galaxy Flip dizaynına oxşar dizaynı qəbul edəcəyi və mənbələrə görə açıldığı zaman normal iPhone-larla eyni ölçüdə olacağı iddia edilir. Bu smartfonu birbaşa Samsung imzalı qatlana bilən OLED ekranlar üzərində quracağı iddia edilən Apple, qatlana bilən smartfon bazarına girməyə tələsmir. Apple hələ 2026-cı ildə iki fərqli qatlana bilən cihaz təqdim etməyi düşünür. Bundan əvvəl Apple, 2025-ci ilin sentyabrında təqdim ediləcək iPhone 17 ailəsi üçün paylaşılan yeni ekran və qiymət məlumatları ilə gündəmə gəlmişdi.
Ice Universe-in iddiasına görə, iPhone 17 ailəsi indi olduğu kimi dörd fərqli modeldən ibarət olacaq. Bu çərçivədə xüsusilə 17, 17 Pro, 17 Pro Max və 17 Slim modelləri təqdim edilə bilər. Mənbəyə görə, iPhone 17-də 6,27 düymlük LTPO ekranı olacaq və smartfon 799 dollardan başlayacaq. 17 Pro 6,27 düymlük 120 Hz LTPO displeyinə sahib olacaq və smartfon 1099 dollar qiymət etiketinə sahib olacq. 17 Pro Max modeli 6,86 düymlük 120 Hz LTPO ekranından istifadə edəcək və smartfon 1199 dollardan başlayacaq. Yeni seriyanın ən çox diqqət çəkən modeli isə 17 Slim olacaq.
