Bu gün smartfonların ən mənfi xüsusiyyəti qısaömürlü olmasıdır. Daha doğrusu smartfon istehsalçıları 2-3 il sonra yenilənmə dəstəyini dayandırır. Hətta bəzi şirkətlər köhnə modellərini bilərəkdən yavaşladır. Lakin bu dəfə 10 illik yenilənmə dəstəyi ilə yeni Fairphone 5 smartfonu təqdim edilib. Hollandiyanın Fairphone şirkəti rəqiblərindən fərqli olaraq uzunmüddət yenilənmə dəstəyinə sahib olacaq smartfon təqdim edib. Smartfonun ən maraqlı xüsusiyyətlərindən biri isə rahatlıqla sökülə bilən olmasıdır.
Əslində smartfonun rahatlıqla sökülə bilən olması Avropanın ötən aylarda qəbul etdiyi qərara uyğun gəlir. Belə ki, avropa birliyi ötən aylarda smartfonların batareyaları ilə bağlı qərar vermişdi. Keçirilən səsvermə zamanı çoxluq smartfonların rahatlıqla sökülə bilən batareyalara sahib olması tərəfdarı olub. Onu da qeyd edək ki, bu qərar 2027-ci ilə qədər qüvvəyə minəcək. Buna baxmayaraq Fairphone indidən smartfonlarını yeni qaydalara uyğun hala gətirib. Yeni Fairphone 5 modelinin xüsusiyyətlərinə nəzər salsaq, öz gücünü Qualcomm QCM6490 çipsetindən aldığını görərik. Hansı ki, bu çipset snapdragon 778G-nin təkmilləşdirilmiş variantıdır. Həmçinin yeni smartfon 6.46 düymlük 1224×2770 təsvir ölçülü OLED displeyə sahib olub. 90 Hz yenilənmə tezliyinə sahib olan ekrana sahib olan smartfon 2 arxa kameraya da sahib olub. Belə ki, 50MP IMX800 əsas, 50MP IMX858 geniş-bucaqlı kamera sensorlarına sahibdir. Ön tərəfdə də smartfon 50MP selfie kamerası ilə təchiz edilib.
Sım kart və microSD kart yuvalarına sahib olan smartfon 4200 mAs batareya həcminə sahib olub. Belə ki, smartfon 30 Vatt sürətli şarj dəstəkləyir. Eyni zamanda yeni smartfon 8-256GB yaddaş seçimi ilə təklif olunur. Lakin yaddaş həcminin 2TB-a qədər artırmaq da mümkündür. Barmaq izi sensoru və Android 13 əməliyyat sisteminə sahib olan cihaz Mavi, Qara və Şəffaf olmaqla 3 rəng seçiminə sahibdir. Smartfonun başlanğıc qiyməti isə 699 avrodur.
