Ən məşhur internet brauzerlərindən olan Chrome daha bir yenilik edərək diqqətləri cəlb edib. Belə ki, artıq chrome brauzerində parollarınızı başqaları ilə paylaşmaq mümkün olacaq. Google tezliklə Chrome brauzerində Parol Meneceri bölməsinə yenilənmə edəcək və bu yenilənmədən sonra istifadəçilər öz giriş məlumatlarını yəni istifadəçi adı və parollarını istədikləri şəxslərlə paylaşa biləcək. Lakin istifadəçilər sadəcə 6 fərqli şəxs ilə bu məlumatları paylaşa biləcək.
Beləliklə Google şirkətinin Chrome brauzeri parollarınızı paylaşmağa imkan verəcək. Ailə üzvlərinin ortaq istifadəsinə icazə verən bu funksiya hazırda inkişaf mərhələsindədir. Google Ailə Qrupu-na əlavə edilən bütün şəxslər parol və istifadəçi adlarını ortaq istifadə edə biləcək. Ümumiyyətlə Google bildirib ki, bu xüsusiyyət parolsuz hesablar üçün də əlçatandır. Google şirkəti daha əvvəl parolların ilkin müdafiə xətti olduğunu bildirmişdi. Texnologiya nəhəngi bu müdafiə xəttinin zəif olduğu qənaətindədir. Məhz bu səbəbdən texnologiya nəhəngi istifadəçilərə iki addımlı doğrulama və google parol meneceri təklif edir.
Yeni funksiya istifadəçilərin məlumatlarını təhlükə altına ata bilər. Lakin google bu problemin qarşısını almaq üçün bütün istifadəçilərin ikili doğrulama və digər keçid açarlarından istifadə etməsini tələb edir. Yeni funksiya ilə giriş məlumatlarını paylaşacaq hər bir şəxs təhlükəsizlik qaydalarına əməl etməlidir. Təbii ki. istifadəçilər bir neçə autentifikasiya sistemlərindən birini seçməkdə sərbəst qərarlar verə bilər. Lakin google məlumatların təhlükəsizliyi üçün istifadəçiləri bütün təhlükəsizlik sistemlərindən istifadə etməyə çağırır.
