Texnologiya sahəsində yeniliklər və inkişaflar bitmək bilmir. Belə ki, bir qrup alim bu dəfə 1 petabit yaddaşa sahib olan super DVD hazırlamağa nail olub. Şanxay Elm və Texnologiya universitetində çalışan alimlər daxilində 1736 ədəd GTA 5 sığa bilən yaddaş qurğusu hazırlayıb. Ümumiyyətlə yaddaş qurğularının texnologiya sahəsindəki inkişafı həqiqətən də cəlbedicidir. 20-ci əsrinə əvvəllərində sadəcə bir neçə MB həcmdə məlumat saxlaya bilən və iri həcmli bu qurğular indi sadəcə 1 neçə mm incəliyə və petabit həcmə sahibdir.
Yaşanan texnoloji inkişaflar, kompüter sənayesində bir çox dəyişikliklərə səbəb olub. Məsələn, bir vaxtlar həyatımızın bir parçası olan CD və DVD-lər indi tarixı qarışıb. Lakin Şanxay Universitetindən olan alimlər yeni kəşfləri ilə göstərdilər ki, DVD və CD-lər hələ də aramızdadır. Alimlər 1 petabit yaddaşa sahib olan super DVD hazırlayıblar. Daha aydın ifadə etsək, bu DVD daxilində 125 min GB məlumat saxlamaq mümkündür. Belə bir böyük yaddaş tutumu gələcəkdə məlumat mərkəzləri üçün əhəmiyyətli üstünlüklər təmin edəcək.
Alimlər 125 min GB məlumatı standart ölçülərdə saxlamaq üçün xüsusi yazı texnikasından istifadə ediblər. Normalda, adi bir DVD məlumatı tək bir məlumat qatında təmin edirdi. Super DVD-də istifadə edilən xüsusi 3D texnikası ilə cəmi 54 nanometrlik sahədə 100-ə qədər məlumat qatı saxlanıla bilir. Bu isə öz növbəsində 1 petabit məlumatı bir diskdə saxlamağı mümkün edir. Adi bir DVD-nin 4.7 GB tutuma sahib olduğunu nəzərə alsaq, yeni super DVD-nin 26 min 596 ədəd DVD-nin bacardığını tək başına edəcək.
