Texnologiya dünyasının ən inqilabi yeniliklərindən hesab olunan ChatGPT süni intellekt aləti istənilən suala cavab tapmasından əlavə zarafatları ilə də məşhurdur. Məhz bu səbəbdən də tədqiqatçılar süni intellekt çatbotunun nə qədər zarafat edə bildiyini müəyyənləşdirmək istəyib. Belə ki, Almaniyanın müxtəlif universitetləri və tədqiqat mərkəzlərindən olan tədqiqatçılar ChatGPT süni intellekt çatbotunun sadəcə 25 zarafat edə bildiyini müəyyənləşdirib. Yəni süni intellekt çatbotu ümumilikdə sadəcə 25 zarafat bilir.
Qeyd edək ki, tədqiqatçılar ChatGPT 3.5 versiyası üzərində araşdırma aparıb. Tədqiqatçılar süni intellekt çatbotundan 10 minlərlə dəfə zarafat etməsini istəyiblər. 90% nisbətində ChatGPT sadəcə 25 zarafat ətrafında cavab verdi. Yəni süni intellekt çatbotu 25 zarafat ilə bütün istəklərə təkrar cavab verib. Maraqlısı budur ki, süni intellekt çatbotuna Yaxşı zarafat bilirsinizmi? sualını verdikdə o, 1008 ədəd zarafat yaradıb. lakin bu zarafatlar ümumi 25 zarafatın fərqli versiyaları idi. Ümumilikdə süni intellekt aləti istifadəçilərin də zarafatlarını başa düşə bilib. Lakin o istifadəçilərə zarafat edərkən yalnız 25 zarafat ətrafında edirdi.
Bəzən ChatGPT süni intelelkt alətinin yaratdığı zarafatlar o qədər də qənaətbəxş olmurdu. Əsasən söz oyunları ilə zarafat edən ChatGPT bəzən zarafatları başa düşməkdə də çətinlik çəkib. Qeyd edək ki, artıq ChatGPT 4 dil modeli geniş yayılmışdır. Tədqiqatçılar yeni dil modelində zarafatların da sayının artdığına ümid edirlər. Ümumiyyətlə yaxın zamanda süni intellekt çatbotu çox fərqli olacaq. Buna səbəb isə internet bağlantısına çıxış əldə etməsi olacaq. Hətta bu zaman ChatGPT internetdə mövcud olan bir çox zarafatı da mənimsəyə biləcək.
