Twitter şirkətini satın aldıqdan sonra daim gündəmdə qalmağı bacaran Elon Musk bu dəfə də gündəmdədir. Belə ki, milyarderin sahib olduğu Twitter şirkəti Google şirkətinə olan borclarını ödəməkdən imtina edir. Xatırladaq ki, nəhəng şirkətlər ötən aylarda Google Cloud ilə bağlı müqavilə bağlamışdı. İndi isə nəhəng sosial platforma şirkəti müqaviləni yenilmək yəni pul ödəmək istəmir. Lakin Google Cloud sosial platformanın əsasını təşkil edir. Yəni onun təhlükəsizliyini və etibarlığını təmin edir.
Qeyd edək ki, bu müqavilə çoxillik imzalanıb. Hətta Elon Musk şirkəti satın almadan əvvəl də, Twitter Google şirkəti ilə spam və hesabların qorunması ilə bağlı müqavilə imzalamışdı. Lakin daha sonra milyarder bu müqavilə ilə bağlı narazılıqlarını bildirib. İndi isə müqavilə yenilənməli olduğundan şirkəti borclarını ödəmək və əməkdaşlığa davam etmək istəmir. Ümumiyyətlə Twitter tətbiqinin bəzi xidmətləri öz serverlərində yerləşir. Digər xidmətlər isə məhz Amazon və Google Cloud serverlərində yerləşir. Yəni şirkət Google Cloud xidmətindən çox asılıdır. Twitter Amazon şirkəti ilə də eyni problemi yaşayır. Belə ki, reklam haqqı ödənilmədiyi üçün Amazon şirkətə xəbərdarlıq edib.
Ötən ildən bəri araşdırmalar nəticəsində məlum olub ki, Elon Musk Twitter şirkətinin xərclərini 1 milyard dollar dəyərində azaldıb. Əsasən bu azalmalar həm işçi ixtisarı həm də infrastruktur zəifləmələri hesabına olub. Qısa olaraq desək, Elon Musk Twitter şirkətinin xərclərini azaltdığı üçün Amazon və Google şirkətlərinə olan borclarını ödəməkdən imtina edir.
