Apple yeni iPhone 15 seriyasını təqdim etməkdə son saatlara daxil olub. Bu gecə saat 21.00 etibarilə iPhone 15, 15 Plus, 15 Pro və 15 Pro Max təqdim ediləcək. Daha əvvəl ortaya çıxan məlumata görə Apple şirkəti yeni iPhone modellərində Çin mənşəli ekran panellərindən istifadə etməli idi. Burada isə ən böyük namizəd BOE idi. Lakin Koreyadan gələn son hesabatlara görə, Samsung bütün dörd model üçün OLED panellərin əksəriyyətini təmin edəcək.
![BOE iPhone](https://tedroid.com/media/2023/09/apple-iphone-15-samsung-boe-1.webp)
BOE-nin OLED panellərinin Apple-ın iPhone üçün keyfiyyətə nəzarət testində uğursuz olduğu deyilir. Buna görə də Apple ekran sifarişlərinin çoxunu Koreyalı partnyorundan təmin etməyə davam edəcək. LG və Samsung-un iPhone 15 və iPhone 15 Pro Max-ın LTPO OLED ekranlarını istehsal edəcəyi gözlənildiyi halda, BOE-nin standart iPhone 15 və iPhone 15 Plus-ın LTPS OLED ekranları üçün panelləri təmin edəcəyi deyilirdi.
Bununla belə, BOE-nin panelləri Apple-ın tələblərinə uyğun gəlmir. Şayiələrə görə, Çin istehsalçısının Face ID üçün Dynamic Island bölməsini işləməklə bağlı problemləri var idi. Apple da işi riskə atmayaraq son anda sifariş verəcəyi təchizatçıları yeniləyib. Hal-hazırda iPhone 14 modellərinin 70%-dən çoxu Samsung-un OLED panelindən istifadə edir.