Yəqin ki, bir çoxumuz Nokia smartfonlarının 2016-cı ildən bəri HMD Global şirkəti tərəfindən istehsal edildiyini bilirik. İndi isə HMD Global şirkəti portfelini genişlədərək öz brendi altında smartfon hazırlamağa qərar verib. Belə ki, şirkətin rəhbəri Jean-Francois Baril bu barədə rəsmi linkedin profilində məlumat verib. Onun sözlərinə görə çox yaxında HMD Global imzalı smartfonlar bazara çıxarılacaq.
Ümumiyyətlə Finlandiya mərkəzli HMD Global şirkəti artıq 7 ildir kimi smartfon istehsal etmək üzrə ixtisaslaşıb. Lakin şirkət indiyə qədər Nokia brendi altında mobil qurğular istehsal edirdi. İndi isə bu vəziyyət dəyişəcək və HMD Global öz brendi altında yeni smartfonlar təqdim edəcək. Qeyd edək ki, indiyə qədər şirkət düyməli, sensorlu smartfonlar, habelə planşetlər istehsal edib və ixtisaslaşıb. Hətta brendin qənaətcil və düyməli telefonları bazarda olduqca məşhurdur.
Baxmayaraq ki, şirkət öz brendi altında smartfon istehsal edəcək, nokia ilə əməkdaşlığı da davam etdirəcək. Bundan əlavə şirkətin planı barədə hələlik dəqiq məlumat yoxdur. Şirkətin baş direktoru bildirib ki, inflyasiya, pandemiya və alıcı gücünün azalması şirkətin işini qəlizləşdirsə də, 2023-cü ildə şirkət özünün təmir edərək əvvəlki gücünü qaytarıb. Həmçinin yeni qayıdış ilə birlikdə şirkət öz portfelini artırmağı da düşünür.
