Bildiyimiz kimi, hər bir sosial media platforması istifadəçilərinin müəyyən şəxsi məlumatlarına sahib olur. Məhz bu məlumatlar da bəzən hakerlər tərəfindən ələ keçirilir. İndi isə ABŞ səlahiyyətliləri çirki pulların yuyulması qanunlarını pozaraq axtarışda olanları tapmaq üçün “YouTube istifadəçilərinin şəxsi məlumatları”-nı istəyib. Google şirkəti 30 mindən çox YouTube istifadəçisinin şəxsi məlumatlarını ABŞ-ın səlahiyyətli qurumlarına təhvil verib. Ümumiyyətlə, Google kimi böyük şirkətlər, istifadəçilərin demək olar ki, bütün şəxsi məlumatlarını saxlayır. Buna görə də, müasir dövrdə məlumatların məxfiliyi həmişə müzakirə mövzusudur.
Forbes tərəfindən ortaya çıxarılan möhürlənməmiş məhkəmə sənədlərinə görə, ABŞ-dakı federal hakimiyyət orqanları Google şirkətindən 1 yanvar və 8 yanvar 2023-cü il tarixləri arasında müəyyən YouTube videolarına baxan istifadəçilərin adları, ünvanları, telefon nömrələri və istifadəçi fəaliyyətləri də daxil olmaqla şəxsi məlumatları tələb ediblər. Heç bir hesaba daxil olmadan videolara baxan şəxslərin müəyyən edilməsi üçün də səlahiyyətli şəxslər istifadəçilərin İP ünvanlarını belə tələb ediblər.
Qeyd edək ki, ABŞ federal hakimiyyət orqanları nternetdə “elonmuskwhm” adından istifadə edən şəxsin Bitcoin-i nağd pula çevirərək və lisenziyasız pul köçürmələri edərək çirkli pulların yuyulması qanunlarını pozduğundan şübhələndikləri üçün bu məlumatlara ehtiyac duyduqlarını bildiriblər. İstintaqın bir hissəsi olaraq, agentlər yanvarın əvvəlində dronlar və artırılmış reallıq proqramı ilə xəritə çəkmək üçün YouTube təlimat videolarına şübhəli bağlantılar göndəriblər. Bu videolar 30.000-dən çox dəfə baxılıb və bu, hökumətin Google-dan bir çox istifadəçi haqqında məlumat istəməsinə səbəb olub. Səlahiyyətlilər məhkəmədən Google-a bu qərarı gizli saxlamağı da əmr etdikləri üçün hələ indi ortaya çıxıb. Bundan əlavə, bu məlumatların Google tərəfindən təqdim edilib-edilmədiyi də məlum deyil.
