Counterpoint Research tərəfindən paylaşılan aylıq hesabata görə, Çin mərkəzli texnoligiya nəhənglərindən biri olan Xiaomi əhəmiyyətli inkişaf əldə edib. Belə ki, Çin mərkəzli Xiaomi avqust ayında qlobal smartfon satışlarında Apple şirkətini geridə qoyub.
Xiaomi avqust ayında Apple-dan daha çox smartfon satıb. Xiaomi avqust ayında Apple-dan daha çox smartfon satıb. İstifadəçilər avqust ayında yeni iPhone almadan əvvəl sentyabrın 9-da təqdim edilən iPhone 16 ailəsini görmək istəyirdilər. Aylıq satış həcminə görə son üç ildə ilk dəfə 2-ci olan Xiaomi, 2024-cü ilin ilk yarısında əvvəlki ilə nisbətən satış həcmində 22% artım qeyd edərək ən sürətlə böyüyən markalardan biri oldu. Ötən ayın ən çox satılan smartonları isə Samsung brendinə məxsus olub. Belə ki, 2024-cü ilin ikinci rübündə smartfon bazarının tədarük lideri Samsung olub. Şirkət üç aylıq dövrü 53,9 milyon smartfon tədarükü ilə bağlayıb.
İkinci yeri 45,2 milyon iPhone satan Apple şirkəti tutub. Üçüncü yerdə 42,3 milyon tədarüklə Çinin Xiaomi şirkəti qərarlaşıb. Dördüncü ad 25,9 milyon tədarüklə Vivo, OPPO isə 25,8 milyon tədarüklə beşinci yerdədir. 024-cü ilin ikinci rübündə 2023-cü ilin ikinci rübü ilə müqayisədə ən yüksək artım əldə edən adlar Xiaomi və Vivo olub. Xiaomi-nin tədarükləri 27,4 faiz, Vivo-nun tədarükləri isə 21,9 faiz artıb. Ümumiyyətlə, Çin smartfon nəhəngləri bu ilin ikinci yarısında və ötən ay smartfon bazarında əhəmiyyətli inkişaf əldə ediblər. Hətta Xiaomi uzun müddətdən sonra ilk dəfə ötən ay smartfon satışlarında Apple şirkətini geridə qoymağı bacarıb. Bununla belə, iPhone 16 satışları başladıqdan sonra Apple şirkətinin öz mövqeyini bərpa etməsi gözlənilir.
