Microsoft rəsmi olaraq Xbox Cloud Gaming barədə məlumat yayıb. Belə ki, şirkətin bulud əsaslı oyun xidməti kifayət qədər sürətlə inkişaf edərək və bir il ərzində istifadəçilərinin sayını ikiqat artırıb. Microsoft şirkətinin CEO-su Satya Nadella, şirkətin 2023-cü ilin birinci rübü üçün maliyyə nəticələrini açıqlayarkən oyun xidmətinin istifadəçilərinin sayının da yüksəldiyini qeyd edib. Onun sözlərinə görə, şirkətin bulud əsaslı oyun xidməti hal-hazırda 20 milyondan çox insan tərəfindən istifadə olunur. Bu rəqəm, Microsoft-un bu ilin əvvəlində paylaşdığı 10 milyon istifadəçidən iki dəfə çoxdur.
Xbox Cloud Gaming istifadəçilərinin sayının artmasının səbəbi nədir?
Microsoft şirkətinin 2019-cu ildə istifadəyə verdiyi Xbox Cloud Gaming bulud əsaslı oyun xidmətidir. Belə ki, istifadəçilər bu xidmətdən istifadə edərək internet üzərindən başqa bir cihaza bağlanır. Həmin cihaz vasitəsilə oyunları yüksək keyfiyyətdə oynayır. Bu xidmət əsasən zəif parametrlərə sahib kompüterlər və ya smartfondan kompüter oyunları oynamaq istəyənlər üçün nəzərdə tutulub. Son vaxtlarda isə Epic Games və Fortnite oyununun xidmətə əlavə edilməsi ilə bu xidmətdən istifadə edərək oyun oynayan insanların sayı əhəmiyyətli dərəcədə artıb. Şirkətin oyun xidmətinə yeni pulsuz oyunlar əlavə etməsi səbəbilə son 1 ildə istifadəçilərin sayı 2 dəfə artıb. Lakin bütün oyunlardan yararlanmaq istəyən istifadəçilər üçün şirkət, Xbox Game Pass Ultimate abunəliyini $14.99-a təklif edir.
Microsoftun Xbox oyun xidmətinə rəqib olaraq bazarda GeForce Now xidməti də fəaliyyət göstərir. Lakin bu xidmətin istifadəçilərinin sayı barədə heç bir məlumat paylaşılmır. Əlavə olaraq qeyd edək ki, Microsoft gələcəkdə xidmətə daha çox pulsuz oyunlar əlavə etməyi planlaşdırır. Buna görə də istifadəçi sayının daha çox artacağı güman edilir.
Oyunlar barədə siz nə düşünürsünüz? Əgər oyun oynamağı sevirsinizsə, bir-birindən güclü oyun notbukları və aksesuarları üçün Gamenote-u ziyarət etməyi unutmayın.
