Microsoft şirkətinin bütün cəhdlərinə rəğmən hələ də Windos 11, Windows 10 əməliyyat sistemindən geridə qalır. Belə ki, 2 il təqdim edilən əməliyyat sistemi sələfindən çox böyük miqdar fərqlə geridə qalır. Bunun əsas səbəbi isə əməliyyat sisteminin ilk təqdim edildiyi vaxtlarda istifadəçilərə çox problem yaratması idi. Lakin bunlara baxmayaraq Microsoft hələ də, Windows 10 istifadəçilərini yeni əməliyyat sisteminə keçməyə çağırır. Bəzən isə onları məcbur edir. StatCounter bildirir ki, bütün bu cəhdlər cavabsız qalır və Windows 10 istifadəçiləri hələ də fikirlərindən dönmürlər.
Maraqlısı budur ki, hazırda dünyada son 1 idə 71.64% istifadəçi Windows 10, 23.61% istifadəçi isə Windows 11 istifadə edir. O cümlədən 3.37% istifadəçi Windows 7, 0.61% istifadəçi Windows 8.1, 0.35% istifadəçi windows 8, nəhayət 0.34% istifadəçi isə Windows XP sistemindən istifadə edir. Ölkəmizdə isə vəziyyət biraz daha fərqlidir. Belə ki, son 1 il ərzində ölkəmizdə 72.9% istifadəçi windows 10, 12.72% isə Windows 11 istifadə edib. Lakin 10.11% istifadəçi hələ də Windows 7 işlədir. Göründüyü kimi, hazırda windows 11 və windows 7 istifadəçilərinin sayı çox cüzi fərqlənir. Yerdə qalan göstəricilər isə müvafiq olaraq Windows 8.1, Windows XP və Windows 8 üçün 2.98%, 0.67% və 0.52%-dir.
Habelə Windows XP istifadəçilərinin sayı ölkəmizdə windows 8 istifadəçilərini qabaqlayır. Onu da qeyd edək ki, bu ilin əvvəlində Windows 7 istifadəçiləri 15.43%, Windows 11 istifadəçiləri isə 13.79% təşkil edib. Məhz bundan sonra Windows 11, Windows 7 əməliyyat sistemini ölkəmizdə qabaqlayıb.
