Bildiyimiz kimi, Elon Musk Twitter platformasını satın aldıqdan sonra işlər heç də düzgün getmirdi. İndi isə məlum olub ki, Elon Musk Twitter platformasının dəyərini nə az nə çox 5 qat düşürüb. Belə ki, platformanı 44 milyard dollara alan Elon onun dəyərini təxminən 5 dəfə azaldıb. Bunun əsas səbəbi də, platformanın tamamilə dəyişdirilməsidir. Hətta onun işçiləri və adı belə dəyişdirilib. Xatırladaq ki, ötən aylarda platformanın adı X ilə əvəzlənmişdi. Məhz bu addım və ödənişli abunəlik yenilikləri platformanın dəyərini itirməsinə səbəb olmuşdur.
Hazırda X və ya köhnə Twitter maliyyə baxımından çətin dövrlərdən keçir. Elon Musk platformanı 44 milyard dollara alsa da, sonradan şirkətin bir xeyli borcu meydana gəlmişdi. Belə ki, şirkətin hazırkı CEO-su Linda Yaccarino platformanın gələcək planlarını banklara təqdim edərkən məlum olub ki. şirkətin 13 milyard dollara yaxın borcu mövcuddur. Maraqlısı budur ki, hazırda şirkətin dəyəri bu məbləğdən də aşağıdır. Əsas səbəb isə gəlirlərin aşağı düşməsidir.
Ümumiyyətlə Twitter heçbir zaman rəqibləri kimi gəlirli platforma olmamışdı. Lakin Musk şirkəti aldıqdan sonra cüzi miqdarda olan gəlirlər də azaldı. Elon tərəfindən edilən dəyişikliklərdən sonra platformada reklam verən şirkətlərdə fəaliyyətini dayandırdı. Hətta İiul ayında Musk reklam satışlarının 50 faiz azalması səbəbindən pul axınının mənfi olduğunu açıqlamışdı. Bütün bunları nəzərə aldıqda ekspertlərə görə hazırda platformanın dəyəri təxminən 8 milyard dollardır. Bu isə Elon-un platformanı aldığı qiymətdən 5 dəfə azdır.
