Meta WhatsApp üçün durmadan yeniliklər etməyə davam edir. Belə ki, bu dəfə texnologiya nəhəngi WhatsApp platformansına birdəfəlik səsli mesaj funsiyası əlavə edib. Ümumiyyətlə WhatsApp son dövrlərdə birdəfəlik mesajlara önəm verir. Bunun əsas səbəbi isə istifadəçilərin mesajlarının məxfiliyini artırmaqdır. Hətta Meta özü də rəsmi açıqlamasında bildirib ki, “Mesajlarınıza əlavə məxfilik qatı əlavə etmək üçün 2021-ci ildə foto və videolar üçün “Bir dəfə Bax” funksiyasını təqdim etdik. Bu gün, digər şəxs dinlədikdən sonra yox olacaq səsli mesaj göndərə biləcəyinizi bildirməkdən məmnunuq”.
WhatsApp rəsmi açıqlamasında onu da bildirib ki, bu funksiya ilə istifadəçilər öz kart məlumatlarını birdəfəlik səsli mesaj vasitəsi ilə başqasına göndərə bilər. O cümlədən həssas məlumatları və ya sürprizlərinizi bu funksiya ilə indi rahatlıqla edə bilərsiniz. Bu funksiyadan istifadə edə bilmək üçün eynilə foto və videolarda olduğu kimi birdəfəli işarəsi işarələnməlidir. Bununla da sizin səsli mesajınız başqaları tərəfindən yalnız bir dəfə oxuna bilər. O cümlədən bu mesaj başqasına ötürülə bilməz.
Şirkət bildirir ki, bütün şəxsi mesajlarınız kimi, səsli mesajlarınız da ucdan uca şifrələmə ilə qorunur. Artıq bir çox bölgələrdə yeni səsli mesaj funksiyası istifadəyə verilib. Tədricən bu funksiya bütün bölgələrdə yerləşən istifadəçilər üçün əlçatan olacaq. WhatsApp platformasında bundan sonra hansı funksiyaların əlavə edilməsini istərdiniz?
