Bildiyimiz kimi, ötən il Western Digital (WD) sərt disk və NAND yaddaş biznesini iki yerə bölmək planını açıqlamışdı. İndi isə şirkət bu planı həyata keçirməyə başlayıb və Western Digital ilə SanDisk ayrılaraq iki ayrı şirkət olur. Belə ki, şirkət iki departamentin internet saytlarını sakitcə ayırıb.
Beləliklə, indi İndi sərt disk almaq istəyən istifadəçilər wd.com saytına, SSD və flash yaddaş almaq istəyən istifadəçilər isə sandisk.com saytına daxil olmalıdır. Şirkətin bütün sərt disk məhsullarına əlavə olaraq, G-Technology-nin SanDisk Professional adlı xarici HDD-ləri də wd.com saytında mövcud olacaq. Sandisk.com isə bütün növ NAND flash əsaslı məhsulların mərkəzi olacaq. Məhsul xətlərini bölməkdən əlavə, Western Digital dəstəyi də böləcək.
Belə ki, Western Digital bütün HDD-ləri dəstəkləməyə davam edərkən, SanDisk bütün NAND əsaslı məhsulları dəstəkləməyə davam edəcək. Daha əvvəl elan edilən plana əsasən, Western Digital və SanDisk şirkətlərinin rəsmi olaraq ayrılması isə 2024-cü ilin ikinci yarısında başa çatdırılmalı idi, bu səbəbdən bu prosesin yaxın bir neçə həftə ərzində baş verməsi gözlənilir. Tamamlandıqdan sonra hər iki şirkət öz kapital strukturları ilə açıq ticarət obyekti kimi fəaliyyət göstərəcək. Hazırkı CEO David Goeckeler, çox güman ki, SanDisk adlanacaq yeni NAND mərkəzli şirkətə rəhbərlik edəcək. Hazırda qlobal əməliyyatlar üzrə vitse-prezident olan Irving Tan, Western Digital brendi altında fəaliyyətini davam etdirəcək müstəqil sərt disk şirkətinin baş direktoru olacaq.
